Sophos Security Services Ke Saath Aap Kaise Rakh Sakte Hai Apne Data Aur Network Ko Safe

Internet ka use aaj jitna easy ho gaya hai utna hi danger bhi ho gaya hai. Aapke ek click par aap badi se badi payment ko transfer kar sakte hain. Lekin kya ho agar aapke dwara transfer ki gayi payment wahan na pahuch paaye jahan use pahuchna chaiye tha. Yahan aapko kuch baaton ka dhayan rakhna padega ki aapke dwara use kiya jaane wala transfer method safe hai ya ni . Iske alawa aap online shopping karte hain, restaurent mein khana khate hain, jiski payment aap apni net banking ke through karte hain. Many times aisa hota hai ki aapki taraf se payment transfer ho jaati hai lekin receiver ya company tak nahi pahuchati hai.

 

Aise hi bahut se cases aaye din saamne aate hain jahan iss tarah ke fraud dekhne ko milte hain. Lekin kabhi aapne yeh socha hai ki yeh payment kahan chali jaati hai. Yeh kaam kiya jaata hai cyber criminal ke dwara. Iss cyber crime ko rokne ke liye aap kya kar sakte hain ? Hum isse rok nahi sakte lekin hum apni taraf se iss tarah ki payments ya browsing ke liye security services use kar sakte hain.

 

New Delhi mein organised kiye gaye ek event mein Sophos Security System ne bataya ki wah kaise iss tarah ke crime se aapko save karte hain. Sophos ek online security service provider company hai jo aapke desktop, laptop, mobile, web, email ke saath total network security provide karti hai. Abhi tak Sophos 150 se bhi jyada countries mein 100 million se bhi jyada users ko satisfied service de chuke hai.  Yeh company naa sirf aapko national networking balki international networking ke liye bhi security service deti hai. Organised kiye gaye event mein Sophos  ke senior security expert John Shier ne bataya ki yeh cyber crime kis tarah se cyber mafia ke dwara systematically poora kiya jaata hai. Sophos ke products and services globally 34,000 registered partners ke through market mein available hain.

 

Cyber crime ko implement karne ke liye jaruri nahi ki aapke bank account ko hi point banaya jaaye. Yeh cyber attack aapke data par bhi kiya jaa sakta hai. Aapke system mein save data ko encrypt kar ke bhi yeh cyber crime kiya jaa sakta hai. Sophos Security Service mein aapke data ko safe rakhne ke liye bhi services available hain. Cyber Criminal aapke data ko encrypt karne ke baad aapse ransom ki demand kar sakte hain. Jyadatar yeh demanded ransom crypto currency ke form mein liya jaata hai. Ab aap yeh soch rahe honge ki aapke system mein save data cyber criminal ke dwara encrypt kaise kiya jaa sakta hai. Iske kaafi reasons ho sakte hain.

 

  • Browsing karte samay aapke web page par kayi tarah ke advertisement saamne aate hain. Jyadater iss taraf ke advertisements kaafi attractive design kiye jaate hain jis se ki aap unhe open karein. Open karte hi aapke system mein ek web page separately show hota hai. Jis par bewajah ki aur bhi ads run ho rahi hoti hain. Actually mein yeh ek encrypted page hota hai jis par click karte hi cyber criminal ko aapke system mein enter hone ka rasta mil jaata hai.
  • Open Wi-Fi ka use karne se bhi aapke system ya data par iss tarah ka cyber attack kiya jaa sakta hai. Isliye koshish karein ki public Wi-Fi ya public network ka use na karein.
  • Apne data par ek hi tarah ke password ko baar baar use naa karein, Yah fir same password ko long time tak use na karein. Time-to-time apne password ko change karte rahe.

 

 

Cyber criminals ke dwara kiya gaye ransomware attack se pehle aapko kuch hints milti hai jis ki help se aap aware ho sakte hain. Yeh cyber attack single attempt mein complete hona thoda tough hota hai. Iske liye criminals kaafi baar attempt karte hai.  Inn cyber criminals ko catch kar paana bhi thoda tough hota hai. Kyun yeh cyber criminals iss tarah ke cyber crime ke implementation ke liye dark web ka use karte hain. Dark web mein open ki  gayi websites ko  catch kar paana kaafi tough hota hai. Dark web ka use sabhi tarah ke illegal works ke liye kiya jaata hai. Jahan iss par drugs trading, arms trading, phishing jaise bahut se illegal kaam kiye jaate hain. Dark web mein iss tarah ke kaam ke liye tor browser ka use kiya jaata hai.

 

Ab baat aati hai ki aap apne data ko safe kaise kar sakte hai. Inn kuch simple steps ko follow kar ke aap apne data ko safe kar sakte hai.

  • Apne system ya data par aap multi-factor authentication ko enable kar sakte hain. Yeh aapke system aur data ko ek extra protection layer provide karta hai.
  • Sabhi social media accounts, mobile, gmail aur apne system ke password ko hamesha strong rakhein. Jismein aapko capital letter, small letter aur special character ka use karna chaiye. Yeh password kam se kam 6 digit mein hona chaiye.
  • Aapke system mein use hone wale apps aur software authentic hain ya nahi iska bhi dhyan aapko rakhna chaiye. Saath hi koshish karein ki use na hone wale apps aur software ko time to time remove kar diya jaaye.
  • Social media accounts ko kisi bhi unknown device mein jaldi open nahi karna chaiye. Saath hi privacy settings ko check karte rahna chaiye.
  • Email ya message mein kisi bhi tarah ke sensitive data ko share na karein. Iss tarah ke messages ko bahut hi easily encrypt kiya jaa sakta hai.
  • Apne office place mein use hone wale VPN ke liye bhi multi-factor authentication ka use karein.

 

Home network security ke liye aap Sophos Security security ke Sophos Home service plan ko use kar sakte hain. The state of Endpoint Security Survey ki according saamne aayi reports mein bataya gaya hai ki last year Indian organisations ke 67% part par ransomware attack kiya gaya tha. India mein sabse jyada ransomware ke dwara target ki jaane field healthcare department hai. Yeh ransomware MAC ke compare mein Windows system ko jaldi affect karta hai. Sophos, anti-virus aur encryption products services bhi provide karta hai. Yeh company last 30 years se alag alag countries mein apni network security services ko deliver kar rahi hai. Professional use ke liye aap Sophos ke alag alag plans ko choose kar sakte hai. Inn plans mein Sophos aapko Silver, Gold aur Platinum service plan provide karta hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: