Sony Ne Launch Kiya World Ka Smallest High Zoom Compact Camera – Cyber-Shot WX800

Sony India ne duniya ke sabse chote body frame camera DSC-WX800 ko launch kar diya hai. 24mm lens ke iss camera se aap 720mm tak ki wide tele-photos ko click kar sakte hain. DSC-WX800 aapko  quick photos click karne ke liye 0.09 seconds ki AF speed provide karta hai. BIONZ X engine ke sath aane wala yeh camera 4K recording ko support karta hai, sath hi high speed photos click karne ki capability rakhata hai jaha 10 fps ki buffer rate par yeh camera 155 pictures click kar sakta hai.

 

BIONZ X engine ko iss camera mein aur bhi behtar design ke sath diya gaya hai jo ki auto focus ke samay strong stability provide karta hai. Eye AF technology based yeh camera touch focus/shutter ke sath aata hai jo ki bhadiya portraits shots lene mein helpful hai.

Images stabilization ko Optical steady Shots ke through control kiya jaa skata hai jo ki kisi bhi tarah ki shake ya blur effect ko create hone se rokta hai. DSC-WX800 mein ZEISS Vario Sonnar T 24-720mm lens diya gaya hai jo ki extra magnified images ko click karta hai. Iss camera mein aapko 2.95 inch ki  LCD screen di gayi hai jo ki 180 degree ki tilt ho sakti hai, jo ki selfies click karne ke liye ek bhadiya option hai.

Connectivity ke liye iss camera mein Wi-Fi 802.11 b/g/n, Bluetooth 4.1, USB 2.0 port, NFC, micro HDMI ka support milta hai. camera mein aapko NP-BX1 battery di gayi hai jo ki ek baar mein 370 pictures ko click kar sakti hai ya 55 minutes ki video ko record kar sakti hai. Camera mein aapko XGA true finder ka option bhi diya gaya hai.

Indian market mein DCS-WX800 29 October se Sony ke sabhi official stores, Alpha flagship stores aur jyadatar bade electronic stores mein milna shuru ho jaaega jiski indian market mein price Rs 34,999 rakhi gayi hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: