Social Media Par Chal Rahe Iss #10Yearchallenge Mein Koun Koun Hai Shaamil

Inn dino social media par chal raha #10yearchallenge kaafi trending mein chal hai. Jahan aapko apni 10 saal puraani photo aur present mein click ki gayi ek photo ko ek saath post karna hai, jo yeh dikhata hai ki aaj se 10 saal pehle aap kya the aur ab kya hai. Isi ke saath hi aapki life aur look mein kitna difference aaya hai, yeh bhi yeh photos dikhati hain. Iss challenge ke trend hone ke saath hi jyadatar TV aur Bollywood celebrities apni photos ko social media par post kar rahe hain. Agar aap calculate karte hain aaj se 10 saal pehle ke liye to wahan 2009 ki baat ki jaaegi. Iska matlab 2009 mein aap kese dikhte the aur aaj 2019 mein aap kese dikhte hain, yeh photos aapko bataegi.

Iss challenge mein kaafi jaani maani hastiyon ne bhad-chad kar participate kiya hai aur social media par post ki hai. Kuch celebrities ko dekh kar sayad aapko jyada difference na lage lekin kuch celebrities ko dekh kar aapki aankhe dokha bhi kha sakti hain. To aaiye dekhete hain koun koun hai iss list mein shaamil.

 

Shilpa Shetty

Yoga guru ke naam famous Shilpa Shetty ke 10 saal pehle ke look mein aur aaj ke look mein sayad jyada difference na lage aur iska raaj hai unka yoga karna. Wah apni audience ko hamesha hi yoga karne ke liye inspire karti hai, isi ke saath unhone apne iss post mein bhi kaha hai ki ‘ Yoga Se Hi Hoga’.

 

Shamita Shetty

Apni elder sister Shilpa Shetty ko follow karti huyi Shamita Shetty ne bhi apni 10 saal puraani photo aur haal hi ki ek photo ke collage ko post kiya hai. Shamita Shetty bhi apni body consciousness ke liye jaani jaati hai.

View this post on Instagram

#10yearchallenge ❤️ #photooftheday #instapic #blackandwhite

A post shared by Shamita Shetty (@shamitashetty_official) on

 

Diana Penty

Cocktail movie se debut karne wali Diana Penty ne black and white filter ke saath ek collage photo post ki hai jahan unhone mention kiya hai ki unmein inn beete 10 saal mein jyada change nahi aaya hai. Lekin jaisa ki photo mein dekha jaa sakta hai ki wah pehle se kaafi jyada glamorous ho gayi hain.

 

Dia Mirza

Black and white filter ko follow karte huye Dia Mirza ne bhi ek collage photo post ki hai jahan unhone apni age ko zaahir kiya hai. 10 saal pehle Dia 27 saal ki thi, aaj wah 37 saal ki hain. Lekin dono hi pictures mein koi bhi khaas difference nazar nahi aata hai.

View this post on Instagram

So here it is, my #10YearChallenge! At 27 and 37!

A post shared by Dia Mirza (@diamirzaofficial) on

Bipasa Basu

Bipasa Basu ne iss 10 year challenge post ke saath bataya ki wah apni aaj ki life aur look dono se utni hi khush hain jitni wah 10 saal pehle hua karti thi. Saath hi wah batati hain ki beete huye 10 saal ki unki journey se bhi wah kaafi satisfied hain.

 

Sonam Kapoor Ahuja

Sonam Kapoor Ahuja ne apne 10 saal pehle ‘Delhi 6’movie de shuru huye career ki ek photo aur aane wali movie ‘Ek ladki Ko Dekha To Aisa Laga’ movie ki ek photo ko compare karte huye post kiya hai.

 

Shruti Haasan

Shruti Haasan ki iss post ko dekh kar aapko unki 10 saal pehle aur aaj ke look mein kaafi difference nazar aa raha hoga. Jo ki ek acha evolution hai.

 

 

RajKummar Rao

Iss list mein female actor hi nahi balki male actor bhi shaamil hain jinmein sabse pehle naam hai Rajkumar Rao ka. Jahan unhone bataya ki wah apne bhadte huye career se kaafi khush hain lekin abhi kaafi kuch sheekhna baaki hai.

Karan Johar

Bollywood ke jaane maane director ki list mein aane wale Karan johar ne bhi yeh 10 year challenge post kiya hai. Jahan woh 10 saal jyada smart aur handsome nazar aa rahe hain.

Sonu Sood

Iss 10 year challenge mein Sonu Sood ne bhi participate kiya hai, ek aisa actor jo apni body aur negative character ke liye famous ho chuka hai. Aapko inki 10 saal puraani photo mein aur haal hi mein li gayi iss photo ke beech mein koi khaas difference nazar nahi aaega.

View this post on Instagram

#10yearchallenge

A post shared by Sonu Sood (@sonu_sood) on

 

Inn sabhi ke alawa aur bhi kayi TV aur celebrities hain jinhone iss challenge ko except kiya hai aur apni 10 saal puraani photo ke saath post kiya hai. Iss list mein kuch designer, director aur singer ke naam bhi add hain. Iske alawa social media par iss challenge ko le kar kaafi memes bhi post kiye jaa rahe hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: