Snapdragon 870 SoC, 100W Charging ke Saath Launch Ho Sakta Hai Redmi Ka ye Naye Phone

Xiaomi ki Redmi brand ne isi year starting mein Redmi K40 series ko announce kiya tha, baad mein ye smartphones rebranded versions bankar India mein launch huye. Ismein popular phone Redmi K40 Gaming Edition bhi baad mein shaamil hua, jiska naam badalkar use POCO F3 GT ke naam se India mein launch kiya gaya. Ab is popular series ke successor ki charcha bhi shuru ho gayi hai.

Haal hi mein ek famous Chinese leaker Digital Chat Station ne ye claim kiya hai ki Xiaomi ki sub-brand Redmi ek naye smartphone par kaam kar rahi hai jo Octa Core Qualcomm Snapdragon 870 SoC, 6.7 inch ki full HD+ OLED display aur 120Hz refresh rate ke saath market mein aa sakta hai. Aapko yaad dila dein ki ye Snapdragon 870 wahi chipset hai jo Redmi K40 mein moujood hai.

Saath hi inhone ye bhi kaha hai ki is aane waale phone mein 50MP ka camera, Sony IMX766 sensor ke saath aayega. Phone market mein IP68 certifications ke saath release kiya jayega. Inke according ye ek mid-range smartphone hoga jiski battery to abhi confirm nahin hai, lekin phone mein 100W fast charging support aana tay hai.

Well, inhone Redmi ke upcoming phone ke specs to bata diye hain, lekin iska naam reveal nahin hua hai. Expect kiya jaa raha hai ki ye upcoming phone ya Redmi K40 series ka hi ek aur phone Redmi K40S ho sakta hai ya phir is series ka successor Redmi K50 ke naam ke saath launch kiya jaa sakta hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: