Nubia X 5G Front & Rear Displays Aur Snapdragon 855 Ke Saath Announce Hua

Last year October mein ZTE ke sub-brand Nubia ne Nubia X dual screen smartphone ko China mein launch kiya tha. Aaj China mein Mobile World Congress event mein company ne iss phone ke 5G variant ko bhi announce kar diya hai. Nubia X 5G smartphone mein Snapdragon 855 chipset ko use kiya gaya hai, iske alawa 5G connectivity ke liye Qualcomm Snapdragon X50 modem ko use bhi kiya gaya hai. Last year launch kiye gaye Nubia X  smartphone mein Snapdragon 845 processor diya gaya tha.

 

Baat karein iss phone ke design ki to company ne Nubia X 5G ke design mein koi change nahi kiya gaya hai. Phone ke rear panel par dual LED flash di gayi hai, jiske pas aapko 5G logo likha hua dikhai deta hai. Company ne iss phone ke specs ke baare mein koi jaankari nahi di hai, lekin expect kiya jaa raha hai ki iss phone ke sabhi features aur specs Nubia X 4G ke similar hi honge.

 Also Read : Nubia Red Magic 3 Smartphone Launched In India

Nubia X ke 4G variant mein front screen 6.26-inch FHD+ resolution ke saath di gayi hai, jiska screen aspect ratio 19:9 diya gaya hai. Iske alawa rear panel par 5.1 inch ki HD+ AMOLED secondary display milti hai. Phone mein kisi bhi tarah ki notch dekhne ko nahi milti hai. Nubia X ka screen-to-body ratio 93.6% diya gaya hai. Phone ki secondary screen par 16MP ka primary camera aur 24MP ka secondary camera diya gaya hai. Phone ko power dene ke liye 3800mAh ki battery ismein di gayi hai, jo ki Quick Charge 3.0 fast charging ko support karti hai.

Company ne Nubia X 5G ke official launch ko le kar koi updates share nahi ki hai, lekin expect kiya jaa raha hai ki company iss phone ko sabse pehle Chinese market mein announce karegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: