Snapdragon 855 Chipset ke Saath, Geekbench Par Nazar Aaya Xiaomi Ka Naya Smartphone

Xiaomi is samay wo company hai, jo smartphones ki duniya mein sabse jyada charcha mein hai. Kabhi Xiaomi aur Redmi ke separation ko lekar aur kabhi 10th January ko 48 MP camera ke saath launch hone waale smartphone ko lekar. Lekin aaj ek naye smartphone ke saath phir se Xiaomi tech talks mein aa rahi hai. Darasal, Geekbench par Xiaomi ka ek naya smartphone dekha gaya hai.

Company ke jis device ko benchmarking site Geekbench par dekha gaya hai, wo Snapdragon 855 chipset ke saath nazar aaya hai. Yaani ki kal launch hone waale Redmi 7 ke baad, company ek naye flagship smartphone par kaam kar rahi hai.

Geekbench par Xiaomi ka ye naya smartphone “Cepheus” naam ke saath dekha gaya hai. Haal hi mein XDA Developers ke through saamne aayi codes ki images mein bhi ye naam dekhne ko mila. Iske alawa is smartphone mein bhi 48 MP camera, in-display fingerprint sensor jaise features bhi codename se saamne aaye.

In sabhi features se, ye to saaf hai ki ye Xiaomi ka Geekbench par dekha gaya ye upcoming smartphone ek flagship phone hai aur most probably ye Mi 9 ho sakta hai.

Neeche Aap is smartphone ka Geekbench score dekh sakte hain, jismein jyada score karne wala smartphone better hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: