Snapdragon 845 Vs Snapdragon 855 Chipset: Aaiye Jaante Hain Ki Kya Change Hua Hai

Qualcomm ne haal hi mein apna naya flagship chipset Snapdragon 855 launch kar diya hai. Is smartphone ko hum 2019 mein aane waale sabhi flagship chipsets mein dekh payenge, jinmein Samsung Galaxy S10, S10 Plus, OnePlus jaise naam shaamil hain. Ye naya chipset efficient 7nm process par based hai, saath hi aap ismein aur bhi kayi naye features dekh payenge, lekin iski khaas baat ye hai ki Snapdragon 855 chipset, pehle aisa processor hoga, jo 5G network support ke saath aayega. Lekin ye Snapdragon 845 ke comparison mein kitna aur kaise behtar hoga aaiye ye jaante hain.

 

  • Sabse pehle baat karte hain figures ki. Snapdragon 845 processor, 10nm process par based hai, jabki SD855 chipset, 7nm chip ke saath aata hai.
  • Iske alawa Snapdragon 855 chipset ki khaasiyat usmein aaye Cortex A76 cores hain aur saath hi Qualcomm ke is chipset ko tri-cluster configuration ke saath design kiya hai.
  • Snapdragon 845 mein jahaan aapko four Kryo Cortex A75 cores, 2.8 GHz ki clock speed ke saath aur four Kryo Cortex A55 based cores, 1.7 GHz ki clock speed ke saath diye gaye hain. Wahin Snapdragon 855 mein tri-cluster architecture hai. Ismein 1 Kryo Gold Cortex A76 based core 2.84 GHz ki clock speed ke saath, 3 Kryo Gold Cortex A76 based cores 2.42 GHz ki clock speed ke saath aur other 4 Kryo Silver Cortex A55 based cores 1.8 GHz ki clock speed ke saath diye gaye hain.
  • Iske alawa Snapdragon 845 ke saath aapko Adreno 630 GPU milta hai, jabki Snapdragon 855 ke saath aane wala Adreno 640 GPU, jo ki apne predecessor se 20% fast hai. Qualcomm ke according Adreno 640 GPU ke saath aap high-end games ko less battery ke saath smoothly enjoy kar payenge.

  • Snapdragon 855 pehla chipset hai, jo Wi-Fi 6 support karta hai, saath hi ismein aapko 4G LTE ke saath 5G LTE modem support ke saath aayega. Ismein 5G modem Snapdragon X50 external hoga, jo ki chip ke saath nahin hai, to yahaan par aapko 4G LTE aur 5G connectivity mein choose karne ka option bhi milega.
  • Abhi tak aapko smartphones mein jo AI feature milta aaya hai, wo software based hai, lekin Snapdragon 855, Qualcomm ka aisa pehla chipset hai, jismein dedicated AI engine diya gaya hai. Aur iske baad 2019 mein hum AI apps bhi dekhenge kyunki ab phones mein AI apps ko handle karne ke liye hardware bhi moujood hai.
  • Iske alawa is chipset mein voice assistant ke liye dedicated module diya gaya hai, jisse SD855 ke saath aane waale smartphones mein Google Assistant ya other voice assistants fast kaam karenge.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: