Snapdragon 730G, 730 Aur 665 Ke AnTuTu Benchmarking Scores Reveal Huye: Dekhiye Kaun Kitna Achha Performer

Qualcomm ne haal hi mein three naye chipsets announce kiye hain. Inmein Snapdragon 665, Snapdragon 730 aur iska higher version Snapdragon 730G shaamil hai. Company ke according in sabhi chipsets mein performance wise improvement to ki hi gayi hai, lekin graphics ko jyada better kiya gaya hai.

Well, ab sabhi ye jaanne ko excited hain ki, akhir ye teenon chipsets kitni achhi performance denge. Is baare mein kaafi had tak benchmarking scores se jaana jaa sakta hai aur in teenon hi chipsets ko AnTuTu benchmarking site ke through benchmark kiya gaya hai, jinke scores aap neeche di gayi image mein dekh sakte hain aur jaan sakte hain ki kaun sa chipset kitna behtar hai.

Aap dekh paa rahe hain, ki sabse jyada scores Snapdragon 730G ko mila hai aur is chipset ke saath haal hi mein Samsung ne apna naya smartphone Galaxy A80 announce kiya hai. Saath hi iska GPU score bhi sabse jyada hai.

Iske baad Snapdragon 730 ka number aata hai, jisne 82585 points score kiye hain. Iske alawa agar aap gaur karein to Snapdragon 730G ka score last year launch huye Snapdrgaon 710 ke mukaable 20,000 points jyada hai. Wahin affordable Redmi Note 7 Pro mein diye gaya Snapdragon 675, Snapdragon 710 se thoda hi peeche hai aur Snapdragon 665 aur 660 se kaafi aage hai. Jabki Snapdragon 730 ko Snapdragon 710 ke mukaable 25% faster bataaya jaa raha hai.

Iske alawa teesra new chipset Snapdragon 665 ka CPU score Snapdragon 660 ke mukaable bhi kam hai, lekin wahin iska GPU score Snapdragon 660 se jyada hai.

Well, ab kaun kitna peeche hai ya kitna behtar perform karta hai, ye to aap in scores se pata laga hi sakte hain. Halaanki jab ye chipsets kisi smartphone mein benchmarking ke samay honge, tab score thoda vary kar sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: