Snapdragon 439 Chipset Ke Saath Aane Wala World’s First Smartphone Vivo Y93, Affordable Price Par Announce Hua

Chinese smartphone maker, Vivo ne aaj apna new smartphone Vivo Y93 launch kar diya hai. Vivo Y93 ko Y85 ka successor bataaya jaa raha hai. Lower mid-range smartphone mein waterdrop notch aur face unlock jaise features included hain.

Aaiye jaante hain iske complete features. 

 

Vivo Y93 mein aapko 6.2 inch ki HD+ display di gayi hai, jiska aspect ratio 19:9 hai. Phone mein Octa-core Qualcomm Snapdragon 439 processor diya gaya hai, isi ke saath ye is chipset ke saath aane waala world ka first smartphone hai. Phone mein aapko Funtouch OS 4.5 based Android 8.1 Oreo milta hai aur iski battery capacity 4030mAh hai.

Jaise ki hum sabhi iss samay dekh hi rahe hain, kuch companies apne phones ko gradient color mein launch kar rahi hain, usi tarah Vivo Y93 ko bhi two gradient colors mein launch kiya gaya hai, Starry Night aur Red color. Yeh phone single storage variant mein launch kiya gaya hai jismein aapko 4GB ki RAM aur 64GB internal storage di gayi hai.

Camera segment ki baat ki jaaye, to Vivo Y93 mein 13MP ka primary camera aur 2MP ka secondary rear camera diya gaya hai. Jismein aapko face detection autofocus, AI based portrait mode, f/2.2 aperture (main), f/2.4 (secondary) aur LED flash light jaise feature milte hain. Wahin front camera 8MP hai, jismein aapko beauty mode, face wake mode aur AR stickers jese features mil jaate hain.

Vivo Y93 ko abhi sirf Chinese market mein hi launch kiya gaya hai jahaan iski price CNY 1,500 (approx. 16,000 INR) hai. Well, India mein ye jaldi hi launch ho sakta hai, lekin iski kya cost hogi, ye abhi kehna zara mushkil hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: