Smartphone Ke Baad Ab Mi LED TV Bhi India Mein Hogi Manufacture, Tirupati Mein Lag Raha Hai Plant

Chinese electronic company Xiaomi ne Thursday ko announce kiya ki wah apne new Mi LED TVs ko India mein manufacture karegi. 2015 mein ki gayi announcement ki according company ne kaha tha ki wah smartphone ke plant India mein open karegi, aur aaj India mein Xiaomi smartphones ke 6 manufacturing plant hai. Jin mein Noida, Andra Pradesh, Tamil Nadu, Uttar Pradesh ka naam include hai. Inn sabhi plant mein Xiaomi ke 95 percent smartphones assemble kiye jaate hai.

Mi LED TVs ki manufacturing ke liye Xiaomi ne Noida based company Dixon Technologies ke sath collaboration kiya hai jiska manufacturing plant Tirupati mein lagaya gaya hai. Iss plant ka inauguration state CM Chandrababu Naidu ne kiya hai. Chandrababu Naidu ne btaya ki wah Tirupati ko ek bada IT hub banana chahte hai jo aane wale samay mein sabhi tarah ke electronics products ke liye one stop solution ho.

 

32 acre ke iss manufacturing plant mein 850 se jyada logon ko employment milega. Yeh factory 2019 ke first quarter mein hi 1,00,000 MI LED TVs per month production karne mein capable hai. Iss plant mein Mi LED Smart TV 4A ke 80cm (32 inch) model aur 180cm (43 inch) model ko assemble kiya jaaega.

 

Xiaomi India ke Vice President Manu Jain ka kahna hai ki ‘ Xiaomi India ke andar smart Tv mein already top brand ban chuka hai. Iss manufacturing plant ke sath hamari kosis yah rahegi ki hum production mein hone wali kami ko poora kar sakein, jis se ki customers poori tarah satisfy ho paaye aur wah apna favorite product easily khareed sake .’

 

Iss project ke sath Xiaomi ne India mein jaldi hi apne other products jese, Android integrated Tv with voice assistance, Mi air purifier 2S, projectors, security camera 360 degree with talk back features, Mi home products ko jaldi hi affordable price mein launch karne ki announcement ki hai.

 

Iss manufacturing plant ke sath Xiaomi ka market India mein aur bhi jyada strong ho jaaega. Abhi tak yeh company smartphone market mein apne kadam ache se jama chuki hai. Aane wale samay mein Xiaomi India ke andar sabhi tarah ke electronic product mein top company ban sakti hai.

 

Present mein Xiaomi ke 4 ‘Mi home experience store’ available hain jo Beagluru, Chennai, Mumbai aur Delhi mein hai iske alawa 36 ‘Mi home’ store all over India mein hai. Inn sabhi stores ki help se India ke andar online market ke sath offline market mein bhi comapny khud ko strong karne mein lagi huyi hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: