Smartisan Ne Next Month Ke Liye Schedule Kiya Event, Kya Tiktok Smartphone Hoga Launch ?

Chinese startup Smartisan ne China mein 31st October ko ek event schedule kiya hai. Agar aapko Smartisan ke baare mein jaankari nahi hain to hum aapko bata dein ki yeh China based multinational technology company hai, jiska head quarter Beijing mein hai. Yeh company consumer electronics devices ki design aur unki marketing ka kaam karti hai. Haal hi mein sunne mein aaya tha ki Tiktok owned company ByteDance ne Smartisan ke saath haath milaya hai.

Chinese startup ko smartphone patents ka ek bada portfolio dekhne ko mila hai, jismein patents ka ek bada parts ByteDance ke saath deal kiya gaya hai. Jiske chalte expect kiya jaa raha hai ki company Tiktok ke maker ByteDance ke saath kuch naya launch kar sakti hai.

July ke month mein yeh baat saamne aayi thi ki yeh donon companies collaboration kar rahi hai, jismein smartphone ke development mein 7 months se jyada ka samay lagne ki baat kahi gayi thi.  Issi series mein company next month apna first phone show kar sakti hai, aisi ummid ki jaa rahi hai.

Well, iss baat mein koi shaq nahi ki aaj har din naye phones, nayi technology ke saath introduce kiye jaa rahe hain. Inki price bhi kaafi kam dekhne ko milti hai. Iss competition ke time mein ByteDance aur Smartisan customers ke liye kya naya le kar aa sakte hain, iske liye humein next month tak iss event ka intejaar karne par hi pata chalega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: