Smart TVs Ke Liye Nokia Ne E-Commerce Platform Flipkart Ke Saath Kiya Tie-up

Smartphone maker company Nokia ne aaj ek badi announcement ki hai, jismein bataya gaya hai ki Nokia, Indian leading e-commerce website Flipkart ke saath tie-up karne jaa rahi hai. Yeh tie-up jaldi hi Nokia branding smart TVs ko launch karne ke liye kiya gaya hai. Nokia ki taraf se aane wale yeh smart TVs Flipkart exclusive honge. Nokia ke vice president kaha ki company inn TVs ko ‘Make In India’ initiative ke through launch karegi, jis se logon ko naye job option milenge. Inn smart TVs ki manufacturing, service aur sale sabhi Flipkart ke under mein hi hoga.

Company ne bataya ki yeh smart TVs JBL sound system ke saath launch kiye jaayenge. Inn smart TVs ke through JBL by Herman’s  sound system, TV segment mein entry lega. Nokia brand ke yeh smart TVs sound quality ko dhayan mein rakh kar hi design kiye jaayenge. Company ka maanna hai ki Indian market mein available TVs mein customers ko woh sound quality nahi mil paati hai, jise wah expect karta hai. Well, abhi tak Flipkart ki taraf se ki announcement mein yeh nahi bataya gaya hai ki Nokia inn smart TVs ko e-commerce platform par kab launch karega.

Nokia Vice President Vipul Mehrotra ne bataya ki “unhe India ke leading e-commerce website flipkart ke saath tie-up kar ke kaafi acha lag raha hai. Aaj ke din ko ek nayi shuruaat ke form mein mark kiya jaayega aur iss se achi shuruaat kya ho sakti thi ki jahaan aapko sabhi brands ki reliability, trust aur design dekhne ko milta ho. Flipkart Indian customers ki needs aur behaviors ko samjhta hai to unhe unn tak pahuchane ki power bhi rakhta hai. Issi taraf Nokia branded smart TVs ke saath expect kiya jaa raha hai.”

Flipkart ne kaha ki wah TV segment mein apni presence ko banate huye ek large scale par insights aur feedback ko aur bhi strong kar ke metro cities, tier-2 aur tier-3 cities mein bhi online marketing ko promote kar rahi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: