Shuru Hui Flipkart Mobile Bonanza Sale: In Sabhi Smartphones Par Mil Raha Hai Discount

Jahaan ek taraf Amazon par Xiaomi ki Mi Fan Sale chal rahi hai, wahin doosri taraf Flipkart ne bhi aaj se Mobile Bonanza Sale ki announcement kar di hai. Flipkart ki ye sale bhi 26th to 29th December ke dauraan hi chalegi aur jaisa ki sale ka naam indicate karta hai, ismein aapko smartphones par heavy discounts milne ki ummid hai.

Aaiye aapko bataate hain ki Flipkart ki Mobile Bonanza Sale mein kaun-kaun se smartphones discount ke saath available honge.

Wednesday se shuru hui is sale mein neeche diye gaye sabhi smartphones par aapko achha discount milne wala hai.

  • Sabse pehle baat karte hain, Honor 9N ki jiske 3GB+32GB version ko aap is sale mein 8,999 INR, 4GB+64GB variant ko 10,999 INR ke price par purchase ka sakte hain. Jabki in smartphones ka launch price 11,999 INR aur 13,999 INR hai.
  • Wahin Redmi Note 5 Pro ke 4GB version par aapko 1,000 INR aur 6GB version par 2,000 INR ka discount mil raha hai. Mobile Bonanza Sale mein in dono version ka price 12,999 INR aur 14,999 INR rakha gaya hai.
  • Wahin budget smartphone Honor 7A ka original price 8,999 INR hai, jabki iska discounted price is samay Flipkart par 7,499 INR hai.
  • Iske alawa September mein launch huye Nokia 5.1 Plus ko bhi aap is sale mein 9,999 INR ke price par kharid sakte hain, jo ki launch price se 1,000 INR kam hai.
  • Affordable segment mein kaafi successful rahe Zenfone Max Pro M1 ke sabhi variants par bhi is sale mein attractive offers moujood hain. Jahaan Zenfone Max Pro M1 ke 3GB+32GB version ka price 10,999 INR, 4GB+64GB ki cost 12,999 INR aur 6GB+128GB variant ki launch price 14,999 INR rahi hai. Wahin Mobile Bonanza sale ke dauraan ye handsets 8,999 INR, 10,999 INR aur 12,999 INR ke discounted price par mil rahe hain.
  • Realme ke handsets bhi aap Flipkart ki Mobile Bonanza sale se kharid sakte hain. Realme 2 Pro par 1,000 INR aur Realme C1 par 500 INR ka discount hai.

Iske alawa Mobile Bonanza Sale se SBI credit card dwara purchasing karne par aapko extra 10% insant cashback bhi milega. Saath hi is samay Flipkart par Year End Carnival Sale bhi chal rahi hai, jo ki 31st December tak chalne waali hai aur ismein aapko large electronic appliances par offers/ discounts diye jaa rahe hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: