Sharddha Kapoor Aur Prabhas Ki Most Awaited Film Saaho Aaj Huyi Release

Bahubali fame character Prabhas ki most awaited movie Saaho aaj cinema gharon mein lag chuki hai. Movie ki hype banane ke liye itna batana hi kaafi hai ki iss movie ko banane mein Rs 350 Crore ki laagat aayi hai. Well, ab jab movie release ho chuki hai to aapko batate hain yeh movie aapko dekhni chaiye ya nahi? Movie mein kya hai aisa jo ise itna interesting banata hai.

Iss movie ko Sujit ne direct kiya hai. Movie le lead role mein aapko Prabhas ke alawa Shraddha Kapoor, Chunky Pandey, Mandira Bedi, Neil Nitin Mukesh, Jackie Shroff, Mahesh Manjarekar, Murali Sharma, Evelyn Sharma, Tinnu Anand dikhai dete hain.

Movie ki kahani Mumbai mein huyi ek robbery ko le kar shuru hoti hai, jismein Rs 2000 Crore ki loot ki jaati hai.  Issi robbery ki money ko wapas paane ke liye Mumbai police Prabhas ko bulati ho. Issi beech black box ko paane ki race bhi shuru ho jaati hai. Under cover agent ki form mein Prabhas shuruaat mein aapko full action mein nazar aate hain, lekin CBI agent ki form mein Sharddha Kapoor ki entry hone ke baad Prabhas ka action bhi slow hone lagta hai. Villain ke role mein aapko Jackie Shroff, Mahesh Manjarekar aur Chunkey Pandey dikhai dete hain. Lekin Chunkey Pandey ka character audience ko surprise karta hua nazar aata hai. Agar aapke mind mein Chunkey Pandey ki look Pasta wali bani huyi to yeh movie aapke mind ko totally change kar degi.

Movie mein action, thriller, romance, drama ka thik thak mixture dekhne ko milta hai. Lekin movie ka action aapki ummidon par khada nahi utar paata hai. Saath hi Sharddha Kapoor ke saath Prabhas ka romance bhi screen par clearly exceptable nahi ho pata hai. Saath hi movie mein use kiye gaye VFX bhi unrealistic lagte hain. First half ke compare mein movie second half mein kuch jyada hi slow hoti nazar aati hai. Iska ek reason Sharddha Kapoor aur dusra reason Prabhas ke bolne ka accent lagta hai. Movie mein dikhaya gaya romance bhi movie ko slow banane mein help karta hai. Screen par play time cover karne ki baat karein to Prabhas ke alawa Chunkey Pandey, Neil Nitin Mukesh, Jackie Shroff ko long scenes diye gaye hain. Iske alawa baaki actor ko bhi apna character play karne ke liye sufficient time diya gaya hai. Final verdict agar kaha jaaye to aap iss movie ko ek baar theater mein jarur dekh sakte hain, lekin agar aap Prabhas ki bahubali wali acting aur action ko yaad kar ke yeh movie dekhne jaa rahe hain to yeh movie aapko thoda disappoint kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: