Sa Re Ga Ma Lekar Aaya Hai 5000 Se Jyada Old Bollywood Melody Songs Ke Saath, Carvaan Premium Music Player

Bollywood ke gaanon ka har koi deewaana hai, lekin kehte hain na, lekin puraane geeton ki baat hi kuch aur hai. Wo kehte hain na- ‘Old is Gold’. Aur isiliye SaReGaMa aapke liye laaya hai Caravan music player ka premium version, jo 5000 se jyada old bollywood songs ke saath aata hai. Saath hi sabse achhi baat ye hai, ki iske liye aapko internet ki koi jarurat nahin hai. To ab jaisa mood ho, waise gaane suniye.

Customer demand ki growth ko dekhte huye saregama ne ye premium version launch kiya hai. Music industry ke pop and rock songs ki wajah se aaj audience online platform youtube , saavan, gaana.com, hungama par songs ko sunna prefer karti hai. Wahin Sa re ga ma ne carvaan ko ek offline mode de kar 5000 se bhi jyada songs ka collection ismein diya hai. Yaani ki nayi technique ke saath wahi purana radio aur puraane geet.

 

Premium Carvaan player ko aap ek companion app dwara bhi operate kar sakte hain, jo apko Google Play Store aur Apple store par mil jayegi aur iske baad aap ise apne handsets se bhi operate kar sakenge. Carvaan premium player Marathi , Tamil or Bengali languages me launch kiya gaya hai. Ye music player 1 year ki doorstep warranty ke sath aata hai .

Saregama Carvaan premium music player ko aap Rs. 7,390 mein kharid sakte hain. Ye musical device online market me company ki official website par available hoga.

Pichle version ke according, Carvaan mein aapko kahin jyada music mil raha hai. Jahaan iske last version mein 80+ stations available the, jo ki lyricist, singer, music composer aur actor ke base par divide kiye gaye the, wahin is naye Carvaan mein aapko 130+ stations provide kiye gaye hain.

Carvaan player me sufi songs, gazals, romantic old songs, sad songs, gurvani jaise stations diye gaye hain, jo apko category wise apna favorite music play karne me help karte hain. Saregama carvaan premium device mein FM/AM radio player bhi diya gaya hai or USB port bhi available hai, jo ki kisi bhi USB device ko plug kar ke play kar sakta hai or iske alawa bluetooth or AUX cable ki connectivity ke liye bhi option available hai . Company claim karti hai ki is music player ko ek baar full charge karne ke baad aap 5 hours tak is aaraam se music enjoy kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: