Samsung’s First Foldable Smartphone, Galaxy X Ke Specs Aur Price Leak: Kimat Sunkar Aapko Lag Sakta Hai Shock

Samsung ke foldable smartphone Galaxy X ki charcha, hum sabhi sun chuke hain. Lekin Samsung ki World Developer Conference 2018 ke dauraan, Galaxy X ki pehli jhalak dekhne ko mili hai. Halaanki company ne is smartphone ko lekar kuch khaas reveal nahin kiya hai, lekin phir bhi jo saamne aaya hai, wo hairaan kar dene wala hai.

Animated GIF - Find & Share on GIPHY

Samsung ke foldable smartphone ke features to nahin, lekin price pehle leak ho chuka hai. The Korea Times ke according is smartphone ka price itna hai ki ismein aap lagbhag four OnePlus 6 kharid sakte hain.

Samsung Galaxy X ka price 1,700 US Dollars bataaya jaa raha hai, yaani ki lagbhag 1,30,000 INR.

Is smartphone ke launch ko lekar, company ka kehna ye hai ki Galaxy X ka production already start ho chuka hai aur ismein aapko Infinity Flex display milegi. Iske alawa is smartphone mein aapko 7nm chip milegi aur two displays hongi. Ismien 4.58 inch ki display 21:9 aspect ratio ke saath aayegi, au rise unfold karne par ye ek tablet mein transform ho jayega aur yahaan iski display 7.3 inch ki hogi.

Iske alawa Korea mein hi industry ke kuch sources ke according, ye smartphone 5G support ke saath aayega aur Samsung apna first foldable smartphone, Galaxy X ko MWC 2019 mein showcase karega. Iske baad March 2019 mein is smartphone ka global launch event rakha jayega.

Isi ke saath Samsung Electronics President, Koh Dong-Jin ne ye bhi bataaya hai ki sabse pehle is smartphone ke 1 million units market mein aayenge.

Well, Ye March 2019 mein saamne aayega, ismein dual displays hongi, 5G support hoga. Itna jaankar logon ke mann mein excitement zaroor badh rahi hai, lekin other specs ka intezaar baaki hai. Ummid hai ki next month ke aate aate, Galaxy X ke kuch aur specs aur leak renders bhi saamne aayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: