Samsung S10 Unpacked Event: Galaxy S10, S10+, S10e, Galaxy Fold & One More Phone Announced

Samsung ki Galaxy S10 series se jyada is baar logon ko Galaxy Fold, jo ki Samsung ka first foldable smartphone hai, ka intezaar hai. Halaanki S10 series ki kayi leaks saamne aa chuki hain, lekin phir bhi is S10 family ke smartphones mein company kya naya aur innovative launch karne waali hai, iska intezaar sabhi ko hai. Well, Samsung ka Galaxy Unpacked event San Francisco mein shuru ho chuka hai aur Galaxy S10, S10+ aur S10e ke alawa company ne ek aur S10 series ka phone bhi announce kiya hai, jo ki in sabmein, sabse jyada costly hone waala hai. Saath hi Galaxy Fold ke baare mein bhi kaafi kuch bataaya gaya hai. Aaiye jaante hain ki big event mein saamne aaye products ki details.

Samsung Galaxy S10+ & S10

Samsung Galaxy S10+ mein 6.4 inch ki QHD+ AMOLED display hai aur Galaxy S10 mein 6.1 inch ki QHD+ AMOLED display hai. Ye displays HDR 10+ support aur Corniing Gorilla Glass 6 protection ke saath aayegi.

Galaxy S10 aur S10+ mein Snapdragon 855 chipset diya gaya hai, jo ki latest flagship chipset hai aur 7nm process par based hai. Iske alawa India mein inhein Exynos 9820 SoC ke saath launch kiya jayega.

Is nayi Galaxy S10 series ke S10+aur S10 mein aapko 12+12+16 MP ke triple rear cameras diye gaye hain. 12 MP ka primary camera variable aperture f/1.5 –f/2.4 aperture, PDAF, OIS ke saath aayega. Secondary 12 MP camera f/2.4 aperture aur 2x optical zoom ke saath diya gaya hai. Third 16 MP rear shooter, 123 degree ultra wide angle lens, f/2.2 aperture ke saath fitted hai.

Yahaan camera mein aapko AI technology aur HDR 10 video streaming support bhi mil raha hai.

Galaxy S10+ mein jahaan aapko 10 MP ka primary dual pixel front camera aur 8 MP ka RGB depth focusing secondary front camera diya gaya hai. Wahin S10 mein single 10MP wide, dual pixel frontal snapper hai.

In smartphones mein neuro processing unit hai, jo scenes ko automatically sense karke, aapke picture modes ko automatically change kar sakta hai, ye AI technology ka use karke photography karne mein helpful hai.

Dono Galaxy S10 aur S10+ ke camera features mein Instagram mode bhi included hai, jiske zariye aap image click karne ke saath hi use edit karke seedhe instagram par share kar sakte hain.

Iske alawa company ne images aur videos ki better editing ke liye Adobe se partnership ki hai aur Galaxy S10 lineup ke liye specially Adobe Premiere Rush version create kiya hai, jo ki Galaxy phones ke liye hi optimized hai.

Is series ke sabhi handsets mein aapko Samsung ka naya One UI, Android 9.0 Pie OS ke saath milega. Iske alawa Galaxy S10 aur S10+ world ke first smartphones hain, jinmein ultrasonic fingerprint sensors hain. Connectivity options mein Bluetooth 5.0, Dolby Atmos aur Dual-band Wi-Fi jaise features bhi included hain.

Wahin ye dono smartphones world ke first smartphone hai, jinmein aapko Wi-Fi 6, 802.11 ax support bhi diya gaya hai.

Ab baat karte hain battery ki, to Galaxy S10+ mein aapko 4100mAh ki battery, fast charging, wireless charging aur reverse wireless charging support ke saath milti hai. Wahin S10 mein 3400mAh ki battery hai aur ye bhi fast charging, wireless charging aur reverse wireless charging support ke saath aati hai.

Reverse wireless charging wahi technology hai, jise pehle Huawei apne phones mein show kar chuka hai. Yahaan Samsung ne ise ‘Wireless Powershare’ ka naam diya hai. Aap Samsung ke smartwatch, ear buds ya kisi another smartphone ko jo wireless charging support karta ho, ko S10 / S10+ ke rear panel par rakh do aur wo charg hona shuru ho jayega.

Iske storage options mein 12GB tak ki RAM aur 1TB tak ki internal storage  di gayi hai.

Samsung Galaxy S10e

Galaxy S10 line-up mein S10e cheapest smartphone hoga, jismein 5.8 inch ki full HD+ AMOLED display hogi. Saath hi ismein aapko in-display fingerprint scanner nahin, balki side-mounted fingerprint sensor milega.

Ismein 12 MP ka primary rear camera hai, jabki 16 MP ka ultrawide angle lens ke saath secondary rear camera diya gaya hai. Galaxy S10e mein 3100mAh ki battery, fast charging aur wireless charging support ke saath hai.

Galaxy S10 5G

S10 series mein ye smartphone ek surprise hi hai, aur ye kaafi hadd tak S10+ jaisa hi hai, lekin phir bhi kuch differences yahaan par hain.

Galaxy S10 5G mein 6.7 inch ki QHD+ display milegi. Ismein ek aur selfie camera ToF add kiya hai. Iske alawa iski battery 4500mAh ki hai aur ismein 27W fast charging hai.

Galaxy Fold

Samsung ke is Unpacked event 2019 ki shuruaat, Galaxy Fold smartphone se hi hui. Company ne is smartphone ke liye new hinge system invent kiya, taaki is smartphone ko easily fold kiya jaa sake. Is smartphone ki main highlight jiske baare mein bataaya gaya, wo hai triple apps multitasking. Yaani ki aap ek samay mein three apps ek saath use kar sakte hain.

Galaxy Fold mein bhi Snapdragon 855 chipset hoga, 12GB ki RAM aur 512GB storage di gayi hai. Nayi cheez jo humein pata chali wo ye hai ki smartphone mein two batteries hain, dono two screens ko power dene ke liye hain.

Galaxy Fold ka price $1960 se start hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: