Samsung Galaxy Note 9 Ke Burst Hone Se, Samsung Phir Ek Baar Musibat Mein, NewYork Based Woman File Kiya Case

Last month hi Samsung ne apna ek naya flagship smartphone Samsung Galaxy Note 9 launch kiya tha or daava kiya tha ki isme Note 7 ki tarah koi bhi blast ya fire catching ka issue nahi aaega . Lekin Samsung ke liye wahi situation fir aa gayi hai. NewYork city me ek lady ke purse me rakhe Samusng Galaxy Note 9 ne achaanak hi aag pakad li. Lady ka kehna hai ki phone me heating ki problem shuru se thi lekin use ye zara bhi andaaz nahi tha ki phone purse me hone ke bawjood aag pakad lega.

 

 

Samsung ne Note 8 ke mukaable Note 9 mein battery capacity ko badha kar 4000mah kiya tha or iski battery safety ko le kar Samsung kafi confident tha. Yahaan tak ki launch ke samay hi company ne khud ye announce kiya tha, ki Note 9 poori tarah se tested aur safe hai aur ismein koi heating ya burst hone jaisi problem nahin aayegi.

Lekin phir se is tarah ke incident ka hona, Samsung par kayi sawaal khade kar raha hai. Ye burst hone wala incident NewYork ki ek mahila ke saath hua jinka naam Diane Chung hai aur inhone is vardaat ke baad company ke khilaaf case file kar diya hai .

Diane Chung ka kahna ki jab wo elevator par chadhte hue apna phone use kar rahi thi to unhe feel hua ki phone kuch jyada hi heat ho raha hai or unhone phone ko apne purse me rakh liya . Kuch hi time baad unhein apne purse me koi whistle ya ajeeb tarah ki awaaz sunaayi di aur slight si movement feel hui. Saath hi purse mein se dhuan uthta hua nazar aaya. Unhone turant apna purse elevator floor par rakha aur phone nikaalne ki koshish ki, lekin phone itna garm tha ki unki fingers jal gayi aur phone burst ho gaya.

2016 me launch huye Note 7 me lagataar blast huye the jiski wajah se company ne sabhi Note 7 phone ko recall kar liya tha or flight me le jaane se bhi mana kar diya tha . Research karne par company ne declare kiya ki yah problem battery ke excessive heat hone ki wajah se aa rahi thi.

Kayi saare test karne ke baad, company ne is baar Note 9 ko launch kiya, lekin unfortunately is baar bhi wahi hua aur Samsung phir katghare mein khada hai. Company ne CEO ka kehna hai ki wo is poore matter ko achhi tarah investigate karenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: