Samsung Ne Xiaomi Ke Saath Collaborate Kar Launch Kiya 108MP 1/1.33-Inch ISOCELL Bright HMX Image Sensor

Samsung apne innovation ke liye hamesha se hi ek kadam aage raha hai. Kuch samay pehle hi Samsung ne 64MP ISOCELL Bright GW1 image sensors ko introduce kiya tha. Issi tarah ke ek aur advance image sensor ko Samsung ne iss baar Xiaomi ke saath collaboration kar announce kiya hai. Yeh 108MP 1/1.33-inch ISOCELL Bright HMX image sensor hai. Yeh pehla mobile image sensor hai jo 100 Million Pixels se jyada capture kar sakta hai. Saath hi iska sensor size bhi 1/1.33″ extend kiya gaya hai. Yeh pehli baar nahi hai, jab Samsung ne Xiaomi ke saath collaboration kiya hai. Iss se pehle bhi 64MP camera technology ke liye bhi Samsung, Xiaomi ke saath collaborate kar chuka hai.

Yeh sensor extreme lighting conditions mein bhi sharp photos, rich detailing ke saath capture kar sakta hai.  1/1.33-inch ka yeh Bright HMX sensor tetra-cell technology aur  ISOCELL technology ka use kar ke bright aur big-pixels ki, 27MP ki image ko process kar sakta hai. Iski help se output hone wali image ka size 12032×9024 pixel resolution tak hoga. Sensor mein diya gaya ISO intelligently work karta hai, jismein wah light se milne wale electric signal ko convert kar ke amplify kar deta, jiske result mein aapko ek behtar aur clear picture milti hai, jo ki kisi DSLR camera ke equal hi clear hoti hai. 

108MP 1/1.33-inch ISOCELL Bright HMX image sensor ki help se aap 30fps ki rate se 6K (6016×3384) video record kar sakenge. Iss sensor based smartphone ko sabse pehle Xiaomi launch karegi. Expect kiya jaa raha hai ki yeh sensor humein Xiaomi Mi Mix 4 mein dekhne ko mile. Saath hi company ne yeh bhi bataya hai ki iss sensor ka mass production iss month ke end se start kar diya jaayega. Ummid ki jaa rahi hai ki iss saal ke end tak humein yeh sensor on-device dekhne ko mil jaaye.

Samsung Electronics ke executive vice president of sensor business, Yongin Park ne kaha ki ” Samsung lagatar Pixel aur logic technology ko invent kar raha hai, jis se ISOCELL image sensor ki engineering ki jaa sake, aur users ko world ko behtar tarike se click karne ka mouka mile, thik uss tarah jaise humari aankhe dekhti hai. ”

 

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: