Samsung Galaxy Watch Active, Galaxy Fit & Fit E Fitness Bands Aur Galaxy True Wireless Ear Buds Announce Huye

San Francisco mein huye Unpacked Event mein Samsung ne apne Galaxy S10 series aur foldable smartphone ke alawa aur Galaxy Watch Active smartwatch, Galaxy Fit aur Fit E smart band aur True Wireless Ear Buds bhi launch kiye hain. Smartwatch aur fitness bands ko kaafi light weight aur thin design ke saath launch kiya gaya hai.

Samsung Galaxy Watch Active

Last Galaxy watches ke comparison mein  iss watch ko kaafi sporty look mein design kiya gaya hai. Iss watch mein aapko 1.1 inch ki AMOLED display di gayi hai jo ki full colour AOD aur coring gorilla glass 3 ke protection ke saath aati hai. Iss watch mein 1.15 GHz ka Exynos 9110 dual-core processor hai, saath hi iss watch mein 768MB RAM aur 4GB ki internal memory bhi milti hai. Iss watch ko 5ATM+IP68 water resistance certification ke saath introduce kiya gaya hai. Iske alawa Galaxy Watch Active Smartwatch ko MIL-STD-810G certification bhi mila hua hai, jo ki military level durability ke liye provide kiya jaata hai.

Samsung Galaxy Watch Active Smartwatch mein Tizen based OS 4.0 hai. Connectivity ke liye is smartwatch mein Wi-Fi b/g/n, Bluetooth 4.2, A-GPS, GLONASS, NFC milta hai. Yeh watch Bixby support ke saath aayegi aur ise aap iOS aur Android dono hi smartphones ke saath use kar sakte hain. Iss watch ko company ne Silver,Rose Gold, Sea Green aur Black colour mein launch kiya hai.

Samsung Galaxy Fit And Fit E Smart Bands

Ab baat karte hain, fitness band ki, company ne two fitness bands Galaxy Fit aur Galaxy Fit E ko Unpacked event mein showcase kiya hai. Galaxy Fit 0.95 inch ke full AMOLED display ke saath aata hai. Ismein 512KB ki internal RAM aur 2048KB ki external RAM di gayi hai. Iske alawa 32MB ki external ROM bhi aapko ismein milti hai. Is watch mein 120mAh ki battery di gayi hai. Iske alawa ismein 5ATM water resistance capability hai. Samsung Galaxy Fit Band ko 2 colour variants mein launch kiya gaya hai jahan aapko Black aur Silver color options dekhne ko milenge.

 

Ab baat karte hain Galaxy Fit E fitness band ki. Is fitness band mein aapko 0.74 inch ki black and white PMOLED display milti hai. Iss fitness band mein 128KB ki internal RAM aur 4MB ki external ROM di gayi hai. Iss band mein 70mAh ki battery aapko milti hai. Yeh fitness band bhi 5ATM water resistance capability ke saath aata hai. Saath hi iss fitness band ko bhi MIL-STD-810G certification diya gaya hai. Dono hi fitness bands Android 5.0 aur iOS 9.0 aur is se upar ke operating system wale smartphones ko support karenge. Galaxy Fit E ko Black, White aur Yellow colour mein launch kiya gaya hai.

Samsung Galaxy True Wireless Ear Buds

Samsung ne True Wireless Ear Buds ko bhi launch kiya hai, jo bina kisi cord ya wire support ke aate hain. Inn Ear Buds ko AKG ke dwara design kiya gaya hai. Yeh aapke sound experience ko aur bhi enhance karte hain. Dono hi ear buds mein ek internal aur ek external microphone diye gaye hain, jo ki noisy environment mein bhi clear sound provide karte hai. Company ki according yeh ear buds 58mAh ki battery ki full charge hone par 5 hours ka call time aur 6 hours ka bluetooth streaming time provide karte hain. Connectivity ke liye ismein Bluetooth 5.0 ka support milta hai.

Samsung Galaxy Watch Active smartwatch ko $199.99 (Rs 14,200 approx.) ki price par launch kiya gaya hai. Yeh watch 8th March se US aur baaki kuch countries mein sale ke liye avaiable hogi. Iske alawa Galaxy Fit Band ki price $99 (Rs 7,108 approx.) hai. Halaanki Galaxy Fit E ki price ko company ne abhi reveal nahi kiya hai. Samsung Galaxy True Wireless Ear Buds bhi 8th March $129.99  (Rs 9,245 approx.) ke price tag ke saath available honge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: