Samsung Ne Reveal Kiya Next Galaxy Fold Smartphone Ka Design

Samsung ne kuch time pehle hi apne foldable smartphone Samsung Galaxy fold ko launch kiya tha. Abhi company ne ek aur foldable phone ke teaser video ko Samsung Developers Conference 2019 ke duaraan show kiya hai. Phone ka naam Samsung Galaxy W20 5G bataya jaa raha hai. Tease kiye gaye video ko aap neeche dekh sakte hain.

Iss naye foldable phone ki design Samsung Galaxy fold ke compare mein aur bhi jyada compact nazar aa rahi hai. Phone ki cover display mein Samsung Galaxy Note 10 ki tarah hi punch hole selfie camera dikhai de raha hai. Iss phone ko naa sirf vertically, balki close karne ke baad horizontally bhi fold kiya jaa sakta hai. Poori tarah se unfold karne par yeh phone ek tab ki tarah dikhai deta hai.

Certification website par iss phone ko ‘Bloom’ code name aur SM-F700F model number ke saath spot kiya gaya hai. Itna hi nahi, leaks mein yeh detail bhi saamne aayi hain ki iss phone mein 6.7 inch ki foldable display aur 1 inch ki cover display di jaayegi. Expect kiya jaa raha hai ki company iss naye foldable phone ko Exynos 990 chipset aur 5G Exynos Modem 5123 ke saath introduce kar sakti hai. Haalanki phone ke launch se judi koi bhi jaankari abhi tak saamne nahi aayi hai, lekin ummid ki jaa rahi hai ki company iss phone ko Samsung Unpacked Event 2020 mein introduce kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: