Samsung ne Reveal Ki Galaxy M30s ki India Launch Date; Teaser Mein Dikha Design

Galaxy M30s ke kayi rumors ke baad, finally Samsung ne iski India launch date announce kar di hai. Saath hi invite teaser mein phone ka design bhi kaafi hadd tak nazar aa raha hai. Ye handset isi saal launch huye Galaxy M30 ka upgraded version hai, jismein aapko huge 6000mAh ki battery milne waali hai.

Other features ki baat karein to phone ke top left corner mein aap triple rear cameras, LED flash ke saath dekhe jaa sakte hain. Ismein bhi rear mounted fingerprint scanner hai aur front par Infinity-U display aapko milne waali hai.

Galaxy M30s mein full HD+ resolution ke saath Super AMOLED display expect ki jaa rahi hai. Maana jaa raha hai ki ismein Exynos 9610 chipset hoga, jismein four cores 2.3 GHz aur four cores 1.7 GHz ki clock speed ke saath honge.

Expected hai ki ye phone bhi 48MP camera phones ki list mein hi shaamil ho aur other 8MP ultra wide angle lens aur 5MP ka depth sensor ho.

Iske alawa ismein Android 9.0 Pie OS ke saath Samsung One UI hi aayega. Jabki storage options ki agar hum baat karte hain to, ismein 4GB RAM ke saath 64GB storage aur 6GB RAM ke saath 128GB storage hogi.

Galaxy M30s bhi other M-series phones ki tarah Amazon exclusive hi hoga, jiski kimat 20,000 INR se neeche hi expect ki jaa rahi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: