Samsung W2019 Flip Smartphone, Dual Displays Aur Snapdragon 845 Processor Ke Saath Launch Hua

Samsung apne innovative product ke liye famous hai yeh hum sabhi jaante hain. Jaha abhi foldable phone ko le kar news aa rahi thi wahi Samsung ne China mein apna ek naya phone launch kiya hai, Samsung W2019. Ye handset dual displays ke saath aane wala hai.

Iss phone ko aap bina open kiye bhi use kar sakte hain. China ke baad abhi yeh phone sirf South Korea mein hi available hoga. Dual displays ke alawa bhi yeh phone kaafi amazing features carry karta hai. Samsung W2019 clamshell phone ya kahe flip phone hai. Aaiye iss phone ke features par ek nazar daalein.

Samsung W2019 dikhne mein kaafi premium design ke saath aayega. Sirf look par na jaa kar agar iske specification par gaur kiya jaaye to Samsung W2019 mein flagship handset waale sabhi specs moujood hain. Is handset ka highlighted feature, iski diplay hai, 4.2 inch ki dual AMOLED display ke saath full HD resolution support milta hai. Iss dual display screen ka aspect ratio 16:9 hai. Dual display ke saath hi iss phone mein aapko keypad bhi diya gaya hai. Samsung W2019 mein aluminum metal body di gayi hai jo ki diamond cut finish ke saath aati hai. Yeh diamond cut finish phone ko premium look deta hai.

Hardware ki baat kare to phone mein Qualcomm Snapdragon 845 processor diya gaya hai. Samsung W2019 mein aapko Android 8.1 Oreo OS ka support milta hai. Phone ko 2 variants mein launch kiya gaya hai jaha aapko 6GB ke saath 128GB aur 256GB internal storage ka option milta hai. Saath hi yeh phone 3,070mAh ki battery ke saath aata hai. Phone mein aapko 2 color variant dekhne ko milenge, Rose Gold aur Platinum.

Optics ki baat ki jaaye to Samsung W2019 mein 12MP +12MP ka dual rear camera setup diya gaya hai, saath hi front facing camera 8MP ka milta hai. Rear camera mein 2x optical zoom moujood hai. Camera ke features yahi khatam nahi hote hain. Yeh phone 60fps par 4K video shoot kar sakta hai aur 960fps par 1080p quality mein slow motion video record kar sakta hai.

Connectivity ke liye phone mein Wi-Fi, Bluetooth, NFC ka support milta hai. Phone ko charge karne ke liye USB type C port diya gaya hai. Iss phone mein aapko Bixby ka support bhi milega. Flip phone hone ki wajah se phone ki thick aapko thodi jyada lag sakti hai jo ki 17.3mm hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: