Samsung Ne Launch Kiya Pehla Vertical Smart TV SERO, Smartphone Ki Tarah Ho Sakta Hai Rotate

Aapne abhi tak horizontal TV dekhe honge lekin jaisa ki hum sabhi jaante hain ki Samsung apne innovation ke liye famous hai. Issi innovation ko continue karte huye Samsung ne ek vertical TV ko announce kiya hai. Ji ha ! Yeh ek vertical TV hai jiska naam compnay ne SERO rakha hai. Vertical hone ke alawa iss TV ki ek khaas baat yeh bhi hai ki yeh TV jarurat padne par horizontally rotate bhi kiya jaa sakta hai. Yeh bilkul ek smartphone ki tarah hi hai.

Company ne bataya ki iss TV ko develop karne ka main reason millennial hai jo content ko badi screen par bhi vertical position mein dekhna chahate hain. Iss TV ko aap apne smartphone se connect kar ke games bhi play kar sakte hain. Saath hi social media platform ko bhi access kar sakte hain. Iss SERO TV mein Samsung ne 43 inch ki QLED panel ko use kiya hai.

Baat karein iss TV ke specs ki to company ne iss TV mein 4.1 channel mein 60 Watt ke premium speakers diye hain. Iss pre-loaded premium music system ki help se aap apne phone se bhi music play kar sakte hain saath hi Samsung Music play ka option already ismien milta hai. TV ko voice command ke through bhi operate kiya jaa sakta hai, jiske liye iss TV mein aapko Samsung virtual assistant Bixby milta hai.

Iss SERO TV ko company ne $16,000 (~Rs 11 Lakhs) ki keemat par launch kiya hai. Abhi iss TV ke global launch ke liye company ne koi announcement nahi ki hai. Yeh TV South Korea mein next moth se sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: