Samsung Galaxy A70, Super Fast Charging Aur 32MP Selfie Camera Ke Saath Announce Hua

South Korean smartphone manufacturer Samsung ne apni A series ko expand karte huye aaj ek aur phone Samsung Galaxy A70 launch kar diya hai. Phone ko kaafi bhadiya features ke saath announce kiya gaya hai. Ye mid-range smartphone waterdrop notch aur 32MP front camera jaise features ke saath market mein enter hua hai. Saath hi ismein in-display fingerprint sesnor bhi moujood hai.

 

Phone ke specifications ki baat karein to iss phone mein 6.7 inch ki FHD+ super AMOLED infinity-U display di gayi hai. Phone ki screen ka aspect ratio 20:9 hai. Iss phone mein 2GHz Octa Core Snapdragon 675 processor diya gaya hai jo ki Adreno 612 GPU ke saath aata hai. Samsung Galaxy A70 ko company ne 2 storage variants mein announce kiya hai jahaan 6GB RAM ke saath 128GB ROM aur 8GB RAM ke saath 128GB ROM ka option milta hai. Phone ki storage ko aap microSD card ki help Se 512GB tak expand kar sakte hain. Iss phone mein Samsung One UI based Android 9.0 Pie operating system diya gaya hai.

Galaxy A70 mein triple rear camera setup milta hai. Primary camera 32MP ka hai, secondary camera 5MP ka depth sensor ke saath aata hai aur third camera 8MP ka hai jo ki ultra wide angle lens ke saath aata hai. Iske alawa is dual SIM based phone mein 4400mAh ki battery di gayi hai jo ki 25W super fast charging support ke saath yahaan fit ki gayi hai.

Iss phone ko company ne Blue, White, Coral aur Black colors mein launch kiya hai.  Iske alawa yahaan aapko dual 4G VOLTE, dual band Wi-Fi, Bluetooth 5, GPS, GLONASS, USB Type-C port aur 3.5mm audio jack  jaise connectivity options milte hain.

10th April ko hone wale event mein company iss phone ki price ko announce kar sakti hai. Event ke baad hi iss phone ki availability ke baare mein bataya jaa sakega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: