Samsung Ne Launch Ki Unbox Magic Smart TV, Rs 24,900 Mein Milega 32 inch Smart Tv

Samsung ne smart TV ki series ko expand karte huye ek aur series ko announce kiya hai jisko Unbox Magic series naam diya gaya hai. Iss series mein launch ki gayi TV mein personal computer, music system, home cloud aur two way sharing jaise features diye gaye hain. Iss series mein company ne 32 inch se le kar 82 inch size tak ki TV ko launch kiya hai.

Samsung Smart Unbox Magic TV mein ultra pix technic ke saath High Dynamic Range (HDR) aur iske top model mein Ultra High Definition (UHD) ka support diya hai. Jo behtar brightness, superior colors aur balanced contrast levels provide karta hai. Features ki baat ki jaaye to user ise personal computer ke form mein bhi use kar sakte hain saath hi documents aur presentation bhi bana sakte hain. Without internet service ke bhi users apne laptop ki screen ko iss par mirror kar sakte hain. Security ke liye iss smart TV mein multi layered Knox diya gaya hai aur ise cloud par Microsoft office 365 service ke andar access kiya jaa sakta hai.

 

Samsung Smart Unbox Magic TV mein Live cast feature bhi diya gaya hai jiski help se users smartphone ke jariye internet ki help se live moments ko stream kar sakenge. Iss smart TV mein two way sharing feature bhi diya gaya hai jo users ko TV aur smartphone ke beech data sharing ke liye allow karta hai. Smart TV se attach USB drive mein saved data ko aap password protect bhi kar sakte hain. Saath hi yeh virtual cloud ki tarah bhi kaam karta hai. Iske liye aapko initially apne smartphone ko USB drive se sync karna padega lekin baad mein yeh phone ke contact mein aane par automatically connect ho jaayega.

 

Samsung Smart Hub ki help se user apne sabhi content ko ek hi jagah par access kar sakte hain. Jismein live TV, app access aur internet browsing include hain. Inn sabhi features ke alawa aap ismein Netflix, Amazon Prime, Youtube jaise apps ko bhi easily access kar sakte hain. Samsung smart TV Unbox Magic ki shuruaati price Rs 24,900 rakhi gayi hai. Yeh smart TV sabhi Samsung Smart Plazas aur leading electronics stores mein available honge. Saath hi aane wale samay mein yeh TV online market mein available hoga. Iss smart Tv ke saath Samsung ne lowest price range ki shuruaat ki hai jo sheedhe Xiaomi ke TV ko takkar de sakte hain.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: