Samsung Ne Introduce Kiya Samsung Galaxy A10e Smartphone, Phone Mein Diya Gaya Hai Infinity-V Display

Samsung ne apne A series ke ek aur smartphone Samsung Galaxy A10e ko US mein announce kar diya hai. Iske alawa company ne Samsung Galaxy A50 aur A20 ko bhi introduce kiya hai. Yeh dono phone Indian market mein already launch kiye jaa chuke hain. A-series mein launch kiye gaye baaki smartphones ke compare mein Samsung Galaxy A10e mein aapko screen size kam dekhne ko milta hai. Yeh phone infinity-V display ke saath announce kiya gaya hai.

Samsung Galaxy A10e mein 5.83 inch ki waterdrop notch display di gayi hai. Company ne phone ke screen resolution ko mention nahi kiya hai, Issi ke saath aur bhi kaafi features  aur specifications jaise front camera, RAM ko bhi disclose nahi kiya gaya hai. Phone mein 3000mAh ki battery aapko milti hai. Samsung Galaxy A10e 8MP ke rear single camera ke saath aata hai iske alawa ismein 32GB onboard storage di gayi hai.

Kuch samay pehle saamne aayi Geekbench list mein yeh bataya gaya tha ki yeh phone Exynos 7884 processor ke saath aayega. Issi ke saath yeh bhi bataya gaya tha ki phone 2GB RAM aur Android 9 Pie One UI ke saath launch kiya jaayega.

 

Samsung Galaxy ko US mein $179 (~Rs 12,500) ki shuruaati keemat par announce kiya gaya hai. Iske saath company ne Samsung Galaxy A20 ko $249.99 (~Rs 17,300) aur Samsung Galaxy A50 ko $349.99 (~Rs 24,300) ki price par announce kiya hai.

 

 

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: