Samsung Ne Introduce Kiye 64MP ISOCELL Bright GW1 Aur 48MP GM2 Image Sensors, Jaane Kya Hai Khaas Features

Samsung ne aaj do nayi image sensor chipsets ko introduce kiya hai. Ismein 64MP ISOCELL Bright GW1 aur  48MP ISOCELL Bright GM2 chipsets shaamil hai. 48MP ISOCELL Bright GM2 chipset last year launch ki gayi ISOCELL Bright GM1 48MP ki successor chipset hai jise iss saal kuch selected  smartphones mein dekha gaya hai. Dono hi chipsets mein Dual Conversion Gain Technology ka use kiya gaya hai jise Dual Native ISO bhi kahte hain.

Features Of 64MP ISOCELL Bright GW1

Yeh chipset 480 frame per second  (fps) ki speed se full HD recording behtar tarike se kar sakta hai jo aapko cinematic slow motion ka feel deti hai. Yeh image sensor Samsung ke 0.8 micro meter pixel image sensor lineup mein highest resolution provide karne wala sensor hai. Dual Conversion Gain technology, environment ki according receive hone wali light ko electric signal mein convert kar degi jo ki collected light ko efficiently use kar ke ek better output provide karegi.

 

Mixed light environment mein rich hues provide karne ke liye iss sensor mein real time high dynamic range (HDR) diya gaya hai jiski capability 100 dB tak hai. Conventional image sensor ki dynamic range 60 dB tak hoti hain wahin human eyes ki dynamic range lagbhag 120 dB tak batayi jaati hai. Pixel merging Tetracell technology aur remosaic algorithm ki help se yeh sensor low light mein 16MP aur bright light environment mein 64MP tak ki image capture kar sakta hai.

 

Features Of 48MP ISOCELL Bright GM2

Iss chipset mein bhi Tetracell technology aur remosaic algorithm ka use kiya gaya hai jo ki low light mein bhi highly detailed aur vivid colors ke saath natural output provide karti hai. ISOCELL Bright GM1 sensor ko humne abhi sirf  Vivo V15 Pro smartphone mein hi dekha hai. Maana jaa raha hai ki ISOCELL Bright GM2 sensor ko company aane wali Samsung ki Note series mein de sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: