India Mein Rugged Body & S-Pen Ke Saath Launch Hua Samsung Galaxy Tab Active 2; Price & Specs Revealed

Samsung ne aaj India mein aaj naya premium tablet launch kiya, jiska naam Samsung Galaxy Tab Active 2 hai. Yeh ek business tablet hai, jise rugged body ke saath launch kiya gaya hai. Iss tablet ko MIL-STD-840G certificate mila hua hai jis se yeh tough conditions mein bhi ache se kaam kar sakta hai. Yeh tablet S-pen support ke saath aata hai. Business purpose ke liye design kiye gaye iss tablet mein Defence ka Knox security system diya gaya hai, jo aapke data aur device ko hackers aur malware se save karta hai.

 

Samsung Galaxy Tab Active 2 mein aapko 8 inch ki LCD display di gayi hai. Iska screen resolution 1280×800 hai. Iss tab ke rear panel par 8MP ka camera aur front panel par 5MP ka camera dekhne ko milta hai. Yeh tablet company ke Exynos 7879 octa-core processor ke saath aata hai. Ye tablet waterproof, shockproof aur dust proof certifications ke saath launch hua hai. Sath hi ismein 4450mAh ki battery di gayi hai. Tablet mein USB type -c charging ka option moujood hai.

Samsung Galaxy Tab Active 2 ko single storage variant mein launch kiya gaya hai jahan aapko 3GB RAM ke saath 16GB on-board storage di gayi hai.  Iski storage ko aap microSD card ki help se expand bhi kar sakte hain. Jahaan ye ek rugged body aur behtareen secure system ke saath aata hai, wahin sabse badi kami ye hai ki ismein company ne outdated Android 7.1.1 Nougat OS diya hai.

Iss tablet mein S-pen support ke alawa aapko physical keyboard connect karne ka option bhi milta hai. Tablet mein Wi-Fi, bluetooth, NFC, 4G VOLTE ka support bhi diya gaya hai. Yeh tablet -20°C se 71°C tak ki condition mein kaam kar sakta hai.

India mein yeh tablet Rs 50,990 ki price par launch kiya gaya hai. Iss tablet ki sale India mein mid of the March 2019 se start hogi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: