Samsung Ne India Mein launch Ki Samsung Galaxy Watch Active2 Aur Galaxy Watch 4G, E-SIM Wali First Watch

Samsung ne aaj India mein Galaxy Tab S6 ke alawa Samsung Galaxy Watch Active 2 aur Samsung Galaxy Watch 4G ko launch kar diya hai. Samsung Galaxy Watch 4G India mein aane wali pehli watch hai jismein aapko e-SIM ka support milta hai. Galaxy Watch Active 2 sirf 44mm size mein available hai, wahin Samsung Galaxy Watch 4G mein aapko 46mm aur 42mm size variants mil jaate hain.

Specifications Of Samsung Galaxy Watch  Active 2

Yeh watch 1.4-inch ki Super AMOLED display ke saath aati  hai, jismein aapko full color always on display feature diya gaya hai. Watch ki display mein aapko Corning Gorilla Glass DX+ ka protection milta hai. Watch mein Exynos 9110 Dual-core 1.15 GHz processor ka use kiya gaya hai. Yeh watch Tizen-based Wearable OS par kaam karti hai, isi  ke saath yeh watch Android 5.0 aur iss se upper Android variant device ko aur iOS 9.0 aur iss se upper iOS device ko support karegi. Watch mein aapko 768MB RAM ke saath 4GB ki internal storage mil jaati hai. Watch mein 340mAh  ki battery di gayi hai jo ki WPC-based wireless charging ko bhi support karti hai.

Durability ke liye yeh watch MIL-STD-810G  certified hai, saath hi yeh 5ATM + IP68  certification (water resistance) ke sath aati hai. Iske alawa ismein aapko heart rate monitor, Electrocardiogram, Accelerometer , Barometer, Ambient light sensor jaise features bhi mil jaate hain. Yeh watch Aluminium aur Stainless Steel body case ke saath aati hai. Connectivity ke liye aapko ismein Bluetooth 5.0, Wi-Fi b/g/n, NFC, A-GPS/ GLONASS/ Beidou ka support milta hai. Iss watch mein aapko Silver, Black aur Rose Gold color option mil jaate hain.

 

Specifications Of Samsung Galaxy Watch 4G 

Iss watch mein aapko 1.2-inch (42mm)/1.3-inch (46mm) Circular Super AMOLED Always On display milti hai. Watch ki display mein Corning gorilla Glass DX+ protection milta hai. Watch mein 1.15GHz Dual-Core Exynos 9110 processor use kiya gaya hai. Iss watch ke Bluetooth model mein 768MB RAM aur LTE model mein 1.5GB RAM di gayi hai. Donon hi variants mein 4GB ki internal memory aapko milti hai. Yeh watch Tizen Based Wearable OS 4.0 par kaam karti hai. Yeh watch 5ATM + IP68 aur MIL STD 810G certification ke saath aati hai. Iss watch 46mm variant mein 472mAh  ki battery aur 42mm variant mein 270mAh ki battery milti hai, jo aapko 4 days ki battery life provide karti hai. itna hi nahi watch mein aapko wireless charging ka option bhi milta hai.

Samsung Galaxy Watch 4G Black color mein available hai. Yeh watch aapko indoor aur outdoor donon hi activities ko track kar sakti hai, jismein walking, running, cycling, elliptical machine, rowing jaisi exercise include hain. Filhaal yeh watch sirf Samsung smartphones ke saath compatible hai, saath hi ismein abhi aapko Airtel aur Jio network ka hi support milega. Watch ke saath Reliance Jio ki taraf se JioEverywhereConnect service, bina kisi additional charges ke offer ki jaa rahi hai.

Price 

  • Samsung Galaxy Watch Active 2 (Stainless Steel) –  Rs. 31,990
  • Samsung Galaxy Watch Active 2 (Aluminium) –       Rs 26,990
  • Samsung Galaxy Watch 4G (46mm) –                           Rs 30,990
  • Samsung Galaxy Watch 4G (42mm)     –                        Rs 28,490 
Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: