Samsung Ne Announce Kiye Galaxy S10, S10+ Aur S10e Ki India Prices, Availability & Launch Offers

Samsung ne haal hi mein apne Galaxy Unpacked event mein S10 phones ko launch kiya hai. In smartphones mein kaafi naye aur interesting features bhi saamne aaye hain. Saath hi company ne Galaxy ear buds, smartwatch aur Galaxy Fit bands bhi introduce kiye. Lekin India mein sabhi ko intezaar tha, ki company is nayi series ko kab launch karne waali hai, to lijiye bata di company ne saari details.

Darasal, Samsung shayad S10 series ke liye launch event nahin rakhne waala hai, lekin aaj company ne India price, availability aur offers ki complete details announce kar di hain. Isi ke saath ye bhi confirm hai ki filhaal Galaxy Fold aur Galaxy S10+ 5G variant ko abhi India mein launch nahin kiya jayega.

 

Aaiye ab aapko bataate hain pricing details –

Samsung Galaxy S10e

  • 6GB RAM with 128GB ROM – Rs. 55,900

Samsung Galaxy S10

  • 8GB RAM with 128GB ROM – Rs. 66,900
  • 8GB RAM with 512GB ROM – Rs. 84,900

Samsung Galaxy S10+

  • 8GB RAM with 128GB storage – Rs.73,900
  • 8GB RAM with 512GB storage – Rs. 90,900
  • 12GB RAM with 1TB storage – Rs. 1,17,900

 

Availability

Jaisa ki hum aapko bata hi chuke hain, ye sabhi S10 phones is samay Flipkart, Amazon, Paytm, Tata CliQ par pre-orders ke liye available hain. Pre-orders ki last date 5th March hai, jabki Galaxy S10, S10e aur S10+ ki shipping India mein 6th March se start ho jayegi.

Offline retail stores se kharidne waale customers, ise 8th March se apne nearest leading retail outlet se purchase kar sakte hain.

Launch Offers

  • Pre-book karne waale customers ko, 15,000 INR ka upgrade bonus milega, jisse future mein upcoming Galaxy smartphone ke saath S10 series ke kisi bhi phone ko exchange karne par aap iska benefit le sakenge.
  • HDFC card users ko 6,000 INR ka cashback offer diya jayega.
  • Iske alawa 3 months se lekar 24 months tak ke EMI options bhi available hain.
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: