Samsung Ne Announce Kiya Exynos 9820 Processor, Galaxy S10 Aur Upcoming Foldable Smartphone Galaxy F Ke Saath Launch Hone Ki Ummid

Samsung ne Wednesday ko Exynos 9 series ka apna naya chipset Exynos 9820 announce kiya hai jo ki 8nm LPP (Low Power Plus) FinFET technology par based hai. Samsung ka yeh first chipset hai jo ki tri-cluster CPU aur dedicated NPU (Neural Processing Unit) ke saath announce kiya gaya hai.

Expect kiya jaa raha hai ki Exynos 9820 chipset Samsung ke aane wale flagship phones Samsung Galaxy S10 aur Samsung ke foldable phones ke saath market mein entry karega. Saath hi yeh chipset low power consumption ko dhayan mein rakhte huye design ki gaya hai.

Samsung Exynos 9 series 9820 ki in-built design ke baare mein baat karein to yeh processor 2 Fourth generation Custom CPU, 2 Cortex A75 CPU aur 4 Cortex A55 CPU se mil kar bana hai. Iss processor mein 4G LTE integrated pro modem (8x Carrier Aggregation) diya gaya hai jo ki 2Gbps tak ki download speed aur 316Mbps ki uploading speed ko achieve kar sakta hai.

Pichle chipsets ke mukaable ARM Cortex A75 CPU 15% aur ARM Cortex A55 CPU 20% jyada efficiently perform karte hain. Agar over all performance ki baat ki jaaye to yeh chipset 40% behtar performance provide karega. Saath hi iske zariye aap 8K quality mein bhi videos shoot kar sakte hain.

Exynos 9820 ko special banane wala sabse main element hai ismien diya gaya NPU. Jo ki behtar tarike se artificial intelligence based task ko perform kar sakta hai. Saath hi ismein Mali-G76 MP12 GPU diya gaya hai ko processing power ke low consumption mein helpful hai.

Jaisa ki humne bataya ki yeh chipset 8K video tak support kar sakta hai, saath hi iss chipset based phone se aap 150fps ki rate se 4K UHD video bhi record kar sakenge. Iske alawa iske saath aane waale phones mein 22MP ke rear aur front camera ka support aaram se diya jaa sakta hai aur agar dual camera setup ki baat karein to 16MP ke dual Camera lense ko support karne mein bhi yeh chipset capable hai.

Iss processor ka comparison Huawei ke Kirin 980 aur Qualcomm Snapdragon 855 se kiya jaa raha hai. Jaisa ki iss samay hum sabhi dekh rahe hai ki AI technology based features kaafi phones mein diye jaate hain lekin inki performance utni bhadiya nahi ho paati hai. Iss processor ko artificial intelligence technology based features ki behtar perfomace ke liye hi design kiya hai jo aane wale samay mein major role rakhta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: