Samsung Ne Announce Kiya Exynos 980 8nm 5G Modem Chipset, 108MP Tak Milega Camera Support

Samsung ne apne latest 5G connectivity wale chipset Exynos 980 ko launch kar diya hai. Iss chipset ko 8nm FinFET process technology par design kiya gaya hai. Yeh Samsung ki taraf se aane wala pehla chipset hain jismein 5G connectivity ke saath saath 4G, 3G aur 2G connectivity  ka bhi support milta hai. Aapko bata dein ki Samsung ne Exynos 5100 chispet ko bhi kuch samay pehle announce kiya tha, lekin ismein sirf 5G connectivity ka hi support milta tha.

Yeh chispet in-built x50 modem aur mobile application processor ke saath aata hai. Iss chipset mein do high performance ARM Cortex-A77 cores CPU aur six Cortex-A55 cores CPU ka use kiya gaya hai. Issi ke saath ismein ARM Mali-G76 MP5 GPU aapko milta hai.

Iss processor mein E-UTRA-NR Dual Connectivity (EN-DC) technology ka use kiya gaya hai, jismein 5G connectivity aur 2CC LTE technology ko combine kiya gaya hai jo aapke mobile mein  3.55Gbps tak ki download speed provide kar sakta hai.

Also Read : Samsung Ne Announce Kiya 108MP ISOCELL Bright Image Sensor 

Iss processor ko currently market mein use ho rahe hai high performance chipset, Qualcomm Snapdragon 800 series ke opposite launch kiya gaya hai. Iss chipset ki help se aap smooth multitasking aur UX design aur high end gaming ka experience kar sakte hain. Samsung Exynos 980 mein Neural Processing Unit (NPU)  diya gaya hai, jiski help se behtar aur advanced AI task performance ki jaa sakti hai. Yeh chipset 108MP tak single rear camera ko support kar sakta hai, iske alawa 20MP+20MP ka dual rear camera aur front 22MP, dual camera 16+16MP ka support bhi milta hai. Yeh chipset WQHD+ (3360×1440) resolution display aur HDR10+ display ko support kar sakta hai. 5G connectivity ke alawa ismein aapko Wi-Fi 6 standard ka support bhi mil jaata hai.

Iss chipset ka mass production iss saal ke end tak shuru kiya jaa sakta hai. Samsung ke aane wale 5G phones mein iss chispet ke milne ki ummid ki jaa rahi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: