Samsung Ne Announce Ki Galaxy A90 And A40 ki Launch Date

India mein Galaxy A50, A30, A10 launch karne ke baad, aaj company ne aur Galaxy event announce kiya hai, jo ki Bangkok, Milan, and Sao Paulo mein 10th April ko hone waala hai. Is Galaxy launch event mein company A-series ke aur teen naye smartphones launch kar sakti hai.

Maana jaa raha hai ki is event mein Samsung Galaxy A-series ke A90 aur A40 launch kiye jaa sakte hain. In smartphones ko haal hi mein company ke UK website par bhi dekha gaya tha. Iske alawa Galaxy A60 aur A70 koi bhi company is event mein introduce kar sakti hai.

Is line-up mein Galaxy A90 premium smartphone hoga, jismein humein notchless display dekhne ko mil sakti hai. Halaanki isko lekar filhaal do baatein ho rahi hain. Rumors ke according Galaxy A90 mein pop-up selfie camera aa sakta hai. Wahin doosra rumor ye kehta hai ki ismein rotating slider cameras honge, jo front aur rear cameras, dono ka kaam karenge.

Iske alawa Galaxy A90 mein, A50 ki tarah in-display fingerprint scanner diya jayega aur saath hi ye bhi khabar hai ki ismein 8GB RAM hogi. Yahaan 6.41 inch ki AMOLED display aur Snapdragon 710 processor mil sakta hai.

Jabki Galaxy A40 mein Exynos 7885 chipset ke saath 4GB RAM aa sakti hai. Rumors ke according ismein bhi in-display fingerprint sensor ho sakta hai.

Ab baat karte hain Galaxy A60 ki, jise haal hi mein Bluetooth certification mila hai, ismein 6.7 inch ki full HD+ AMOLED Infinity-U display aa sakti hai. Saath hi ismein 8GB RAM aur 128GB storage ke saath Snapdragon 6150 chipset bhi mil sakta hai.

Iske alawa Galaxy A70 aur A20 bhi wo two smartphones hain, jinhein company is event mein launch kar sakti hai. Halaanki in dono hi smartphones ke naam ke alawa kisi specs ki abhi koi information nahin hai.

Ab in sabhi mein se Samsung is upcoming event mein kaun se smartphones launch karne waala hai, ye to humein baad mein hi pata chal sakega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: