Samsung Ne Announce Kiya Apna Latest Exynos 990 Chipset, 5G Exynos Modem 5123 Ke Saath

Samsung ne apne latest chipset Exynos 980 ke successor chipset, Exynos 990 ko launch kar diya hai. Yeh chipset 7nm EUV  (Extreme Ultra Violet) lithography processing technology par design kiya gaya hai. Iss chipset mein aapko tri-cluster structure milta hai, jismein aapko two custom cores, two high power Cortex A76 cores aur four Cortex A-55 cores milti hain.  Iss technology ka use Exynos 9885 chipset mein bhi kiya gaya tha, jo aapko Samsung Galaxy Note 10 mein dekhne ko mili hai. Iske alawa yeh chipset LPDDR5 RAM ko support karta hai jiska data transfer rate 5500 Mbps hai.

Iss chipset ke saath aapko Mali-G77 MP11 GPU ka support milta hai, jo ki Exynos 9820 ke compare mein 20% jyada improved power efficiency ke saath aata hai. Yeh GPU Valhall architecture par based hai jismein aapko behtar graphic performance dekhne ko milti hai. Iske alawa yeh chipset dual Neural Processing Unit (NPU ) aur improved Digital Signal Processor ( DSP) ke saath aata hai, jiski performing rate ten trillion per second hain. Iss chipset ke saath aapko 108MP ka single rear camera support aur 24.8MP+24.8MP ka dual camera support dekhne ko mil sakta hai.

Inn sabhi features ke alawa yeh new processor 120Hz refresh rate display driver ke saath aata hai. Iske alawa aapko ismein 30fps rate par 8K video recording aur 120fps par 4K UHD video recording ka support milta hai. Samsung ki iss nayi chipset ko 5G Exynos Modem 5123 ke saath pair kiya gaya hai. Yeh modem 5G ke sub 6Hz network alawa 2G GSM/CDMA, 3G WCDMA, TD-SCDMA, HSPA aur 4G LTE ko bhi support karta hai.

Iss chipset ko market mein pehle se available Apple ki Bionic A13 chipset ka competitor maana jaa raha hai. Iske alawa Huawei dwara announce ki gayi latest chipset Huawei Kirin 990 aur Qualcomm ki aane wali next Snapdragon chipset bhi Exnos 990 ke behtar competitor saabit ho sakte hain. Iss chipset ka mass production saal ke aakhir mein shuru kiya jaayega. Expect kiya jaa raha hai ki yeh chipset humein next year Samsung ke Galaxy S11 smartphone mein dekhne ko mil sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: