Samsung ne Announce ki Galaxy M31 ki India Launch Date, 6000mAh Battery Ke Saath Hoga Launch

Samsung ke Galaxy M31 ki charcha kaafi samay se chal rahi hai. Iske kayi rumors aane ke baad company ne last week iska first teaser share kiya aur aaj company ne iski launch date bhi announce kar di hai. Saath hi company ne iske kuch features bhi confirm kiye hain.

Company ke naye teaser mein phone ke naam ke saath saath kuch details bhi confirm ki gayi hai. Sabse pehle to aap ismein phone ki launch date dekh sakte hain, jo ki 25th February hai. Saath hi ye bhi confirm kiya gaya hai ki Samsung Galaxy M31 64MP Quad rear camera setup ke saath launch kiya jayega aur iski battery capacity kaafi jyada yaani ki 6000mAh ki hogi. Iske alawa image se ye bhi confirm hai ki ismein rear mounted fingerprint scanner diya gaya hai.

Phone ke other specs ko lekar jo rumors saamne aaye hain, unke according ismein 6.4 inch ki full HD+ Infinity-U display hogi, yaani ki ye bhi aapko waterdrop notch ke saath hi milne waala hai. Iske alawa rumors kehte hain ki ye Octa Core Exynos 9611 chipset ke saath aayega, jo ki 10nm process based hai. Saath hi software side par aapko Android 10 OS based One UI 2.0 milega.

Phone mein 64MP primary camera ke alawa 8 MP ka ultra wide angle lens, 5MP ka macro lens aur 5MP ka depth sensor bhi moujood hoga.

Is handset ka price 15K ke around expect kiya jaa raha hai. Well complete and confirmed details ke liye humein launch ka intezaar rahega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: