Samsung Ne India Mein Launch Kiya Naya TV Line-Up, QLED TVs, UHD Aur Concert Series Shaamil

Samsung ne aaj India mein apna naya TV line-up launch kiya hai aur ye flagship series hai jo QLED displays ke saath launch ki gayi hai. Is range mein 8 different models announce huye jinmein 2018 QLED TVs ki range 2,45,000 INR se start hoti hain aur ismein 55-inch se 75-inch tak ki teen televisions shaamil hain.

Iske alawa mid-range mein UHD TVs hai jismein 7100, 7470 aur 8000 models moujood hain aur inki kimatein 64,900 INR se start hain.

Iske alawa Samsung ne two televisions apne Make In India initiative ke under Concert series mein announce ki hain jismein Smart concert aur Joy Concert shaamil hain.

Samsung ken aye QLED TVs mein Ambient Mode diya gaya hai jo aapko saare din ki useful information deta hai, chahe aap TV dekhein ya nahin dekhein. Iske alawa ye aapko weather ke baare mein bhi complete information deta hai. Saath hi aap is bhi wall par ise lagaayenge ye uske textures aur color ko exactly same copy karke display par show karega taaki lage ki wahaan TV hai hi nahin. Iske alawa QLED TVs mein aap apni tasveeron ke zariye personalized background bhi set kar sakte hain.

Iske alawa ismein S Voice feature bhi diya gaya hai, taaki aap voice command se bhi TV ko operate kar sakein.

Iske alawa mid-range mein UHD TVs launch huye hain jo HDR ke saath aaye hain taaki aapko display par achhi brightness, full details aur sahi color accuracy ke saath content show ho. Ye televions aapko ek Remote control aur Smart Hub ke saath milenge taaki aap inhein smartphone ya fir Bluetooth speakers se connect karke bhi operate kar sakein.

Iske alawa company je Joy Concert aur Smart Concert televisions bhi introduce kiye hain, jo ki Made In India hain. Ismein bhi aapko smart Hub feature milta hai jiski help se aap Amazon Prime, Jio Cinema, Netflix aur Big Flix jaisi apps ko TV mein access kar sakte hain. Ye televisions ek nayi sound technology ke saath aati hai jiske dwara dono hardware aur software ko improve karke aapko ek cinematic audio quality dene ki koshish ki hai. Ye televisions bhi aapko 32’’, 43 aur 49-inches size mein mil jayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: