Samsung Ke Naye Foldable Phone Ki Patent Image Aayi Saamne

Samsung ne 2019 ki shuruaat mein Samsung Galaxy Fold smartphone ko launch kiya tha. Launch ke kuch samay baad jab yeh phone users ke haath mein pahucha, to unhe screen se related kuch issues ko face karna pada, jiske baad company ne iss phone ki sale par rok laga di. Ab haal hi mein Samsung ke ek aur foldable phone ki patent image humare saamne aayi hai. Iss phone ko folable phone na kah kar roll-able phone kahna jyada thik hoga, kyun ki dikhai de rahi image mein phone ki screen ko kheench (drag) kar bada kiya jaa raha hai.

Image Credit : Lets Go Digital

 

Iss naye patent design ki image ko sabse pehle Lets go digital website par show kiya gaya hai. Samsung ne kuch samay pehle ek smartphone ke design ka patent file kiya tha. 11th June ko iss patent ko display device ke naam se United State Patent & Trademark Office (USPTO) ki website par post kiya gaya tha. Dikhai de rahi image mein, phone ko naa sirf ek taraf se balki dono taraf se drag kiya jaa sakta hai, jiske baad yeh phone kisi tablet ke equal hi bada ho jaata hai. Iski help se user regular screen ke saath saath tablet size screen ka experience bhi le sakenge.

Samsung ke iss naye phone ki screen, kahin se bhi fold nahi hoti hai, yeh sirf roll-out hoti huyi nazar aa rahi hai. Phone mein punch hole camera dekhne ko mil sakta hai, jaisa ki iss image mein dikhai de raha hai. Iske alawa phone mein USB type-C port bhi neeche ki taraf dekha jaa sakta hai. Lekin expect kiya jaa raha hai ki phone mein 3.5mm headphone jack saayad humein dekhne ko naa mile.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: