Samsung Ke Foldable Phone Ka Teaser Video Out, Galaxy Unpacked Event Mein Hoga Launch

Har baar ki tarah, Samsung is baar apne flagship smartphones Galaxy S10 series ko MWC 2019 mein launch nahin kar raha hai. Balki isse kuch din pehle, Galaxy Unpacked event mein Galaxy S10 ke three models launch kiye jayenge. Ye launch event San Francisco mein February 20, 2019 ko hone waala hai. Lekin iske baad sawaal ye tha, ki company apne foldable smartphone ko kab announce karne waali hai.

Aaj Samsung ka official video teaser saamne aaya hai, jismein company ke Galaxy F ya Galaxy Fold kahe jaane waale smartphone ko tease kiya gaya hai. Saath hi video ke last mein ye bhi bataaya hai ki ye smartphone bhi Galaxy Unpacked event mein 20th February ko Galaxy S10 series ke saath launch kiya jayega.

Halaanki ye abhi tak clear nahin hai, ki company is smartphone ko kya naam dene waali hai. Is smartphone ka concept company ne last year ki Samsung Developer Conference mein saamne rakha tha aur tabhi se iske rumors zoron par hai.

Iske alawa Twitter handle par company ne teaser ke saath tweet kiya hai ki “The future of mobile will unfold on February 20, 2019.” Ye upcoming foldable smartphone Infinity Flex Display panel ke saath aayega aur ismein latest release hui One UI hogi jo is foldable smartphone ko support karegi.

ALSO READ: Flipkart Par Milega Samsung Galaxy S10; Pre-Orders Ke Dauraan Galaxy Buds Mil Sakte Hain Free

Rumors ke according, Galaxy F mein 7.3 inch ki full size display hogi, jo fold karne par 4.58 inch ke ek compact smartphone mein badal jayegi. Ye smartphone 5G support ke saath aayega aur iske price ko lekar jo rumors hain, unke according ye lagbhag 1,80,000 INR ke price tag ke saath launch hoga.

Well, rumors to rumors hi hain, detailed specs aur price to humein 20th February ko hi pata challenge. So guys! Stay tuned with us, 20th Feb ko Samsung ke four smartphones announce hone waale hain, jinki details hum aap tak zaroor pahunchaayenge.

ALSO READ: Samsung Galaxy A50 Ke Specs Leak, Triple Rear Cameras, Infinity-V display & More

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: