Samsung Ke First 5G Smartphone, Galaxy S10 Ke Key Features Leak Huye

MWC 2019 mein jaise jaise waqt kam ho raha hai, waise hi Samsung ke upcoming flagship Galaxy S10 ke rumors badhte jaa rahe hain. Kuch rumors kehte hain full flat display, kuch ka kehna six cameras ke saath aayega, koi kehta hai in-display fingerprint scanner hoga aur koi kehta hai nahin.

Well, rumors ko MWC 2019 mein Galaxy S10 ke launch tak continue hi rahenge, lekin aaj Samsung mobiles ke specialist Sam Mobile ke through, Galaxy S10 ko lekar kaafi specs aur information leak hui hai, jo hum aapko is article mein bataane jaa rahe hain.

Sabse pehle Samsung ka Galaxy S10 aur Foldable smartphone Galaxy F, dono hi MWC 2019 mein announce kiye jayenge.

Galaxy S10, Samsung ka first 5G smartphone hoga, jiska global launch MWC ke thik baad, March 2019 mein hoga. Isi ke saath Galaxy S10 ke three storage versions launch kiye jaa sakte hain.

Sam Mobile ki report ke according, Galaxy S10 ke three model numbers dekhe gaye hain. Jinmein se base model, SM-G970x model number ke saath aayega, jismein aapko in-display fingerprint sensor nahin milega. Lekin SM-G973x and SM-G975x model numbers, premium range ke honge, jinmein ye feature diya jayega.

In three variants mein se two Galaxy S10 variants 5.8 inch ki display ke saath aayenge, jismein se ek base version hoga aur rear mounted fingerprint sensor ke saath ayega, jabki doosra in-display fingerprint reader ke saath aayega. Jabki in sabse bada size, 6.44 inch ki display ke saath aa sakta hai. Samsung in smartphones mein ek nayi tarah ki OLED display ka istemaal bhi kar sakta hai.

Iske alawa is report mein upcoming flagship S10 ke color variants bhi saamne aaye hain – jinmein black, white aur yellow & green finish colors shaamil hain. Maana jaa raha hai ki ye gradient color options ho sakte hain.

Isi ke saath, haal hi mein saamne aayi, Samsung ki apni custom UI, OneUI, bhi in smartphones mein aapko nazar aayegi.

Iske alawa ek aur baat jo saamne aa rahi hai, wo ye hai ki is smartphone mein six cameras ho sakte hain, jinmein se two front par honge aur four rear panel par.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: