Samsung ke Affordable Phones Galaxy M10 Aur M20 Ke Prices Leak Huye

Samsung 28th January ko India mein ek launch event host karne jaa rahi hai, jismein hum company ki nayi affordable M-series ke smartphones dekhenge. Is series mein company three handsets launch karne waali hai, jinmein Galaxy M10, M20 aur M30 shaamil hain. Inke baare mein hum kaafi kuch sun chuke hain, lekin aaj ki khabar inke prices ko lekar hai.

Galaxy M10, M20 aur M3 Infinity-V display ke saath aane waale first smartphones honge aur inki leaked specs ke baare mein aap kayi baar sun chuke hain. Lekin aaj hum aapko bataane waale hain ki Galaxy M10 aur M20 kis price tag ke saath launch hone jaa rahe hain.

Aaj in smartphones ki price bhi leak hui hai aur Galaxy M10 India mein kewa 8,990 INR ke price par launch hone jaa raha hai. Wahin Galaxy M20 ki kimat bhi isse jyada upar nahin hai. Galaxy M20 ko aap 12,990 INR ke price par kharid sakenge. Well, kya aap bhi meri tarah Samsung ke in smartphones ke prices sunkar hairaan hain?

Lekin ye to kehna hi padega ki China smartphones makers ki taraf se aggressive price par launch huye smartphones ke kaaran, Samsung bhi affordable segment mein ye phone launch karne ko majboor hui.

Aur agar specs par nazar daalein, to M10 mein 6.2 inch ki HD+ display, Exynos 7872 chipset, 13+5 MP dual rear cameras aur 3400mAh ki battery ke saath aa sakta hai.

Jabki Galaxy M20 mein aapko 6.3 inch ki full HD+ display, Exynos 7885 processor, 3GB RAM ke saath 32 / 64GB internal storage options, 13+5 MP dual rear cameras aur 5000mAh ki battery expect ki jaa rahi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: