Samsung Kaam Kar Raha Hai Perfect Full Screen Par, Under Display Camera Bhi Hoga Available

Samsung hamesha se hi apne innovative concepts ke liye jaana jata hai. Agar hum price ko consider na karein to Samsung ke sabhi gadgets baaki brands ke compare mein kaafi behtar performance provide karte hain. Apne issi innovative concept ko aage bhadate huye Samsung ab Perfect Full Screen devices par kaam kar raha hai. Iss technology se less devices mein aapko edge to edge display dekhhne ko milegi. Yeh phones high quality display aur in-display camera aur sensor ke saath aayenge.

Iss technology ke saath aane wale phones mein selfie camera aur sensors display ke neeche build kiye jaayenge. Ismein kisi bhi tarah ki notch ya punch hole nahi hoga. Yeh information Yonhap News Agency ne share ki hai. Iss agency ki reports ke according Samsung ke Vice President  Yang Byung-duk ne bataya hai ki ” Iss tarah ke smartphones ka production itni jaldi kar paana possible nahi hain. Company iss par abhi kaam rahi hai, yeh technology aapko 1-2 saal mein dekhne ko milegi. Ismein camera hole poori tarah se invisible hoga lekin iss camera function mein kisi bhi tarah ki problem nahi hogi.”

 

Iss tarah ki technology ke baare mein Samsung ne pehli baar announce nahi kiya hai. Iss se pehle bhi company ne last year October mein in-display speakers, under display finger print scanner, maximizes screen sizes aur haptic display technologies ke baare mein bataya hai. In-display speaker technology ko haal hi mein launch huye LG G8 phone mein dekha gaya hai.

 

Aisa nahi ki market mein available companies ne full screen display nahi diya hai lekin unhone camera ko sliding mechanism ki help se screen se hi bahar kar diya hai. Samsung ne apne latest flagship phone Samsung Galaxy S10+ mein bhi almost bezel less display di hai jismein camera punch hole ke saath diya gaya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: