Samsung Ka Android Go Edition Smartphone Galaxy J4 Core Official Website Par List Hua, Ye Honge Features

Samsung ne apna second Android Go phone Samsung Galaxy J4 Core ko official website par unveil kar diya hai jaha iski price abhi mention nahi ki gayi hai. Samsung ne August mein apna first Android Go phone Samsung galaxy J2 Core ko launch kiya tha. Yeh Android Go phones Android 8.1 Oreo ke light version ke saath aaega. Jaha aapko sabhi pre-installed Apps light version mein milegi.

Samsung Galaxy J4 core Go Edition mein aapko 1GB RAM aur 16GB ki internal storage ka option milta hai jise aap microSD card ki help se expand kar sakenge. Phone mein 6 inch ki HD+ TFT display di gayi hai jiska screen aspect ratio 18:9 diya gaya hai. Galaxy J4 Core mein 8MP ka rear camera aur 5MP ka front selfie camera diya hai jaha dono hi camera mein aapko LED flash ka support milta hai. Phone mein 1.4GHz ka Quad Core processor diya gaya hai. Saath hi phone mein aapko 3,300mAh ki battery di gayi hai.

Go Edition ke saath aane wale iss phone mein milne wali apps ki list mein Youtube Go, Maps Go, Gmail Go, Files Go, Assistant Go jaisi apps saamil hain. Inn apps ko Go edition based phones mein dene ka reason yeh hai taaki yeh low end hardware based phones par behtar perform kar sakein aur aapko budget phones mein bhi bhadiya performance mil sake.

 

Connectivity ke liye phone mein Wi-Fi 802.11 b/g/n (2.4 Ghz), bluetooth 4.2, USB 2.0 port, GPS jaise option mil jaate hain. Phone ke sensors ki baat karein yaha aapko accelerometer, proximity aur light sensor jaise kuch basic sensor phone mein dekhne ko milenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: