Samsung Ka Rotating Camera Wala Smartphone, Galaxy A80 India Mein Hua Launch

Samsung ne aaj India mein apne most awaited smartphone Samsung Galaxy A80 ko launch kar diya hai. Iss phone mein rotatable camera diya gaya hai, jo ki front facing camera ka kaam bhi karta hai. Samsung Galaxy A80 mein aapko kisi bhi tarah ki notch ya punch hole dekhne ko nahi milta hai. Iss phone mein aapko Angel Gold, Ghost White aur Phantom Black color option mil jaate hain. 

Samsung Galaxy A80 mein 6.7 inch ki full HD+ new infinity Super AMOLED display milti hai. Iss phone mein company ne kuch samay pehle hi launch kiya Snapdragon 730G processor use kiya hai, jo ki Adreno 618 GPU ke saath aata hai. Iss phone mein aapko in-display finger print scanner ka option bhi milta hai. Phone mein 8GB RAM ke saath 128GB internal storage di gayi hai.

Yeh phone triple rear camera ke saath aata hai, jahaan primary camera 48MP (f/2.0 aperture) ka aur secondary camera 8MP ( f/2.2 aperture) 123° ultra wide angle lens ke saath aata hai. Iske alawa third camera 3D depth sensor ke saath diya gaya hai. Behtar audio output ke liye phone mein Dolby Atmos ka support aapko mil jaata hai.

Samsung Galaxy A80 mein 3700mAh ki battery di gayi hai, jo ki 25W super fast charging ko support karti hai. Connectivity ke liye yeh phone dual 4G VoLTE, dual band Wi-Fi, Bluetooth 5, GPS+GLONASS ko support karta hai. Yeh phone Samsung One UI based Android 9 Pie operating system par kaam karta hai.

Iss phone ko India mein Rs 47,990 ki price tag ke saath launch kiya gaya hai, jahaan iss phone ko 22nd July se le kar 31st July tak pre-book kiya jaa sakta hai, jiske baad yeh phone 1st August se sale ke liye available hoga. Iss phone ko sabhi Samsung retail stores, Opera House aur e-stores se purchase kiya jaa sakta hai. Pre-book karne wale users ko one time screen replacement ka offer milega, iske alawa wah users jo Citi Bank ke credit card ke through iss phone ko purchase karte hain, unhe 5% cashback diya jaayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: