Samsung Ka Compact Foldable Phone, Galaxy Z Flip 1.1-inch Cover Display Ke Saath Announce Hua

Samsung ka Flip phone kaafi time se leaks mein bana hua tha aur aaj der raat Galaxy Unpacked event mein company ne apne is new product se parda uthaaya. Samsung ke new foldable phone ka naam Galaxy Z Flip hai jise Mirror Black aur Mirror Purple colors mein announce kiya gaya hai. Ye handset Korea aur US mein 14th February se available hoga aur India mein bhi iske jaldi hi launch hone ki ummid hai.

Ab badhte hain iske specs ki taraf. Galaxy Z Flip mein aapko 6.7 inch ki full HD+ Dynamic AMOLED Infinity Flex display milti hai. Saath hi ek external 1.1 inch ki Super AMOLED display bhi ismein di gayi hai.  Ismein power dene ke liye Qualcomm ka puraana flagship chipset Snapdragon 855 Plus moujood hai, jo ki 7nm process par based hai.

Ismein aapko 8GB ki RAM ke saath 256GB internal storage di gayi hai, iske alawa iska aur koi variant nahin hai. Is premium phone mein dual rear cameras hain, jinmein 12MP ka primary sensor aur 12MP ka ultra wide angle lens moujood hai. Front par Galaxy S20 & S20+ ki tarah ismein bhi 10MP ka selfie shooter diya gaya hai.

Battery yahaan thodi small 3300mAh ki hai, jo ki 15W fast charging aur 9W Qi wireless charging ke saath di gayi hai.

Key Specifications of Galaxy Z Flip:

Model Samsung Galaxy Z Flip
Display 6.7-inch full HD+ Dynamic AMOLED Infinity-Flex display, 1.1 inch Super AMOLED cover display 
Processor Octa Core Qualcomm Snapdragon 855 Plus 7nm chipset
RAM 8GB
Storage 256GB storage (non-expandable)
Battery 3500mAh, 15W fast charging, 9W Qi wireless charging support)
Camera 12MP primary rear camera (Super speed dual pixel AF, f/1.8 aperture), 12 MP (ultra wide angle lens, f/2.2 aperture, LED flash light, HDR 10+ support, OIS)
Front Camera 10MP front camera (f/2.4 aperture)
Software Android 10 OS
Price USD 1,380 (approx. 98,500 INR)
Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: