Jaldi Hi Launch Honge Samsung ke Ye 5 Phones; Storage Options And Model Number Leak Huye

Samsung ne kuch din pehle hi announcement ki thi wah jaldi hi apne M- series smartphones ko market mein launch karne wala hai. Saath hi Samsung ke A-series smartphones ko bhi market mein utaara jaaega. Basically maana jaa raha hai ki yeh phones Samsung ki J -series aur ON series ki replacement mein market mein launch kiye jaaenge. Lekin launch se pehle hi inn phones ki leaks aana shuru ho gayi hain. Jaha kuch dino pehle M-series phones ke model name saamne aaye the. Wahi aaj fir new model names saamne aaye hain.

Pehle Samsung M-series phones ke naam Samsung M20, M30, M50 bataye jaa rahe the wahi nayi leaks mein inn phones ke model ke naam SM-M105F, SM-M205F aur SM-M305F bataye jaa rahe hai. Jaha maana jaa raha hai ki , SM-M305F iss M-series ka sabse top model phone hoga. Inn sabhi phones ki highlight hai inmein aane wale color option. Yeh sabhi attractive color variants mein launch kiye jaaenge. Jaha expect kiya jaa raha hai ki SM-M105F phone blue aur dark grey color mein launch kiya jaaega jismein 16GB ki internal storage milegi. Wahi SM-M205F mein 32GB ki internal storage milegi aur SM-M305f mein 64GB ki onboard storage aapko di jaaegi jo microSD card ki help se expandable hogi.

Ab baat katre hain Samsung A-series smartphones ki jaha iss series ke 2 model name saamne aaye hain, SM-A305F aur SM-A505F. Samsung A-series ko kaafi vibrant colors mein launch karne wala hai jis mein SM-A505F aapko silver, pink, blue, white ,black color option mein milega aur SM-A305F model red, black, blue, white colors mein available hoga.

Iske alawa abhi tak aayi rumors ke according yeh phones affordable price range ke andar launch kiye jaaenge. Jaha inn sabhi phones mein expandable storage ka option aapko milega. Aur yeh sabhi phones dual sim supportive honge. Company inn phones ke dwara apne customers ko affordable price range mein better hardware aur service provide karna chahati hai. Saath hi maana jaa raha hai ki inn phones ke top models AMOLED display aur lower model phones LCD display ke saath aa sakte hain, jo ki company ko cost cutting mein help karega.

Phone ke optics, battery capacity aur chipset ko le kar abhi koi bhi update nahi hain. Inn basic specification ke alawa yeh phones aur kis special features ke saath market mein utaare jaaenge, yeh dekhna interesting rahega. Yeh phones initially European market mein launch kiye jaaenge. Isliye abhi Indian market mein inn phones ki availability ko le kar kuch nahi kaha jaa sakta hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: