Samsung Jaldi Hi India Mein Launch Kar Sakta Hai Samsung Galaxy M40 Smartphone, Mil Sakta Hai Triple Rear Camera

2019 ke shuruaat mein hi Samsung ne apne M series smartphone ko India mein launch karna shuru kar diya tha. Iss M series mein Samsung Galaxy M10, Galaxy M20 aur Galaxy M30 smartphones include the. Rumors ki maane to company ab jaldi hi Samsung Galaxy M40 ko bhi India mein announce kar sakti hai. Maana jaa raha hai ki M series ka yeh abhi tak ka sabse powerful phone ho sakta hai.

 

Iss phone ko haal hi mein Geekbench list par dekha gaya hai jahaan phone ke kuch details bhi saamne nikal kar aayi hain. Abhi launch kiye gaye sabhi M- series smartphone mein company ne Exynos processor ko use kiya tha wahin iss phone mein company Samsung ke Exynos processor ko naa de kar Qualcomm Snapdragon chipset ko de sakti hai. Geekbench list par iss phone ka model number SM-M405F bataya gaya hai. Saath hi list mein yeh bhi mention kiya gaya hai ki yeh phone Android 9 ke saath aa sakta hai. Geekbench list mein phone ke single core performance aur multi core performance score ko bhi mention kiya gaya hai. Iss phone ka single core score 2361 aur multi core score 6438 bataya gaya hai.

 

Iss phone mein company triple rear camera setup de sakti hai. Issi ke saath phone mein 6GB RAM ke saath 128GB ki internal storage dekhne ko mil sakti hai.  Saath hi yeh phone 5000mAh ki powerful battery ke saath market mein utara jaa sakta hai. Samsung Galaxy M40 ki launch ko haalanki abhi tak reveal nahi kiya gaya hai lekin expect kiya jaa raha hai ki yeh phone next month India mein launch ho sakta hai jahaan iss phone ki expected launching price Rs 25,000 batayi jaa rahi hai. Iss price aur details ki jaankari IANS news agency ke through saamne aayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: