Samsung Galaxy Tab S5e Aur Galaxy Tab A10.1 (2019) India Mein Huye Launch, Yahaan Jaane Price Aur Availability Ke Baare Mein

Samsung ne aaj India mein apne do tablets,  Samsung Galaxy Tab S5e aur Samsung Galaxy Tab 10.1 ko launch kar diya hai. Samsung Galaxy Tab S5e mein aapko DeX support milta hai.

 

Samsung Galaxy Tab S5e Specifications 

Iss tablet mein 10.5 inch ki WQXGA Super AMOLED display di gayi hai jiska screen aspect ratio 16:10 hai. Iss tablet mein Octa-Core Snapdragon 670 processor diya gaya hai, jise 10nm mobile platform par design kiya gaya hai. Iss tablet mein Adreno 615 GPU use kiya gaya hai. Company ne iss tablet ko India mein single storage variant mein launch kiya hai. Iss tablet mein 13MP ka rear single camera aur 5MP ka front facing camera milta hai. Tablet mein audio output ke liye HARMAN ke AKG quad speakers diye gaye hain.

Iss tablet ko kaafi sleek design kiya gaya hai, saath hi ismein aapko 7040mAh ki battery di gayi hai. Yeh battery fast charging ko support karti hai. Connectivity ke liye ismein Bluetooth 5, GPS, GLONASS, USB 3.1 port, POGO pin aur charging ke liye USB type-C port diya gaya hai. Iss tablet ko Black, Silver aur Golden color mein launch kiya gaya hai.

 

Samsung Galaxy Tab A10.1 Specifications 

Yeh tablet 2017 mein launch kiye gaye Samsung Galaxy Tab A ka successor variant hai, jismein kuch upgrades kiye hain. Iss tablet mein aapko 10.1 inch ki full HD screen di gayi hai. Saath hi ismein Samsung ka latest processor Exynos 7904 diya gaya hai. Samsung Galaxy Tab S5e ke compare mein yeh tablet thoda thick hai. Iss tablet mein 8MP ka rear camera aur 5MP ka front facing camera video calling aur selfie click karne ke liye diya gaya hai.

Samsung Galaxy Tab A10.1 mein 6150mAh ki battery di gayi hai, ismein aapko fast charging ka support nahi milta hai. Charging ke liye iss tablet mein bhi aapko USB type-C port diya gaya hai. Samsung Galaxy Tab A10.1 ko Golden, Black aur Silver mein launch kiya gaya hai.

Price & Availability 

Samsung Galaxy Tab A10.1 ke Wi-Fi variant ko aap Rs 14,999 mein aur 4G variant ko Rs 19,999 mein purchase kar sakte hain jismein aapko 2GB RAM ke sath 32GB internal storage milti hai. Iss tablet ka Wi-Fi variant Amazon.in par 26th July se sale ke liye available hoga, wahin iss tablet ke Wi-Fi+LTE model ko aap Samsung Opera house ke saath saath sabhi leading Samsung retail store se khareed sakte hain.

Samsung Galaxy Tab S5e ke Wi-Fi version ko Rs 35,999 aur LTE variant ko Rs 39,999 price par announce kiya gaya hai, jismein aapko 4GB RAM ke saath 64GB internal storage di jaa rahi hai. Iss tablet ki storage ko microSD card ki help se 512GB tak bhadaya jaa sakta hai. Iss tablet ka Wi-Fi+LTE variant Amazon.in aur Flipkart dono hi website par sale ke liye available hoga. Iske alawa offline iss tablet ko Samsung ke sabhi retail stores aur Samsung Opera House mein 24th July se sale ke liye available kiya jaayega. Agar users iss tablet ko offline stores se 31st July se pehle purchase karte hain to unhe book cover keyboard Rs 3500 mein diya jaayega jiski actual price Rs 7,999 hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: