Samsung Galaxy Tab S4 India Mein Hua Launch, Jaaniye Price, Specifications Aur Launch Offers Bhi

Samsung ne India mein Samsung Galaxy Tab S4 ko aaj launch kar diya hai. Yeh tab 10.5 inch ke ek standard size screen ke sath launch kiya gaya hai. Iske alawa iss tablet mein aur bhi kuch badhdiya features diye gaye hai jo ki ise Samsung ke last tablets se kaafi behtar banaate hain. Indian market mein yeh tablet Samsung ke official stores par aur Amazon India ki site par available hoga .

 

Samsung Galaxy Tab S4 ki screen ki baat ki jaaye to iss tablet mein 10.5 inch ke Super AMOLED display hai, jiska screen aspect ratio 16:10 hai. Pichle Tab ke compare mein iss Tab S4 mein kaafi kam bezels dekhne ko milti hai jiski wajah se screen size kaafi bada lagta hai. Galaxy Tab S4 mein 7300mAh ki battery di bgayi hai jo fast charging ko support karti hai. Iski battery full charge hone approximately 3.5 hours ka time leti hai aur 16 hours ka video playback time deti hai.

Samsung Galaxy Tab S4 ke sath aapko ek S-pen bhi milta hai jo ki instant real time text messaging, hand writing work, drawing ke liye diya gaya hai, aur achha perform karta hai. Is tablet ko Samsung Dex ke unveil kiya gaya hai, jiske zariye aap ise desktop PC ki tarah istemaal kar sakte hain aur Windows PC ki tarah is par Android apps ka maza utha sakte hain.  Samsung Dex detachable keyboard hai, jo ki aapke work time mein ek bhadiya viewing angle deta hai.

Galaxy Tab S4 mein aapko 13MP ka rear camera aur 8MP ka front camera milta hai. Iske alawa iss tab mein aapko 4GB RAM ke saath 64GB aur 256GB internal storage ka option milta hai, jise aap microSD card ki help se 400GB tak expand kar sakte hain.

Ye tablet Octa Core Qualcomm-snapdragon 835 processor ke sath aata hai. Jismein aapko Android Oreo OS ka support milta hai. Audio quality ko enhance karne ke liye Tab S4 mein front par AKG-tuned quad speakers diye gaye hain jo ki Dolby Atmos support ke saath diye gaye hain.

Connectivity ke liye aapko Galaxy Tab S4 mein Bluetooth ,Wi-Fi ka option milta hai. Yeh tablet USB Type-C charging port ke sath aata hai, aur saath hi 3.5mm audio jack bhi hai.ka option bhi milta hai.

Is device ko kuch launch offers ke saath introduce kiya gaya hai. HDFC Bank ke customers ko credit ya debit card se yeh tablet khareedne par Rs 5,000 ka cash back milega aur HDFC ke through hi aap iss tablet ko EMI par khareed sakte hain. Iske alawa Jio postpaid users ko Rs 2,750 tak ka cashback mil sakta hai.

Samsung Galaxy Tab S4 ko aap Samsung store se aur Amazon India ki website se Rs 57,900 mein khareed sakte hain. Amazon India ki website par yeh tablet 20 October se sale ke liye available ho jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: