CES 2018 Mein Samsung Galaxy S9 Aur S9+ Launch Hone ki Ummid, Saamne Aaya Inka First Look

2017 ko alvida kehne ka waqt lagbhag ho hi gaya hai aur isi ke saath aane waale saal yaani ki 2018 ke top model smartphones ke launch ki charchaayein bhi shuru ho chuki hain. Is baat ka andaza to pehle se hi lagaaya jaa raha hai ki, CES 2018 mein Samsung apna next flagship Galaxy S9 launch kar sakta hai, lekin iska look kaisa hoga ye abhi tak koi nahin jaanta, lekin Samsung ke sabhi fans ye jaanne ko excited zaroor hain. To aaiye aapko dikhaate hain S9 ka pehla look.

Upar di gayi image mein dikh raha smartphone Galaxy S9 hai jo 5.8 inch ki display ke saath agle saal launch ho sakta hai aur iske saath ek Plus variant aane ki bhi ummid hai.

Rumors ke according Galaxy S9+ mein 6.2 inch ki display aa sakti hai. In dono smartphones mein Snapdragon 845 and Exynos 9 series processor aayenge. Saath hi Galaxy S9 4GB RAM ke saath aur Galaxy S9+ 6GB RAM ke saath aane ki sambhaavna hai. In handsets mein 64GB ki inbuilt memory ho sakti hai aur saath hi memory ko expand karne ke liye microSD card bhi diya jaayega.

Jaisa ki image mein aap dekh hi sakte hain, company ne is baar design mein bahut changes kiye hain. Piche ka design to lagbhag poora hi badal diya gaya hai. Iske rear panel par dual rear cameras moujood hain jinke thik niche dual LED flash aur uske niche fingerprint scanner diya gya hai.

BGR ke anusaar Galaxy S9 aur S9+ mein, Samsung is baar apni face recognition technology par kaam kar raha hai.

Samsung in handsets ko February mein launch kar sakti hai aur shayad March se ye sale ke liye bhi available honge.

Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: